مولوی محمود مولائی
مولوی محمود مولائی ڈیرہ اسماعیل خان دے ہک نامور مرثیہ گو شاعر گزرین۔ سید ذوالفقار علی شیرازی داٻڈھیپا تے مولائی دی جوانی۔ اینویں جݙاں مولائی ٻڈھڑے ہن تاں سید عاشق شیرازی دا نینگرپ ہئی۔ مولائی دینی علم رکھدے ہن۔ آپ اپݨے مرثیے وچ آیاتِ قرآنی دا استعمال کریندے ہن۔ مولائی ٻہوں وݙے خطیب تے ذاکر ہن۔ مولائی سوز دے نال نثر کوں وی مرثیے وچ فروغ ݙتا۔ مولائی کمال دے سوز خوان ہن۔ آپ دی وفات (سید عاشق شیرازی دے پوترے سید خورشید عالم شیرازی مطابق) 70سال دی عمر وچ 1929ء وچ تھئی۔ (65) جناب خلش پیراصحابی مولائی دے پوترے منور حسین دے حوالے نال انھاں دا سن 1902ء بیان کیتے۔
مرثیہ سلام
اسلامی چن محرم دا نظر آیا نظر آیا
آکھے سین فاطمہ صغراؑ اکبر آیا اکبرآیا
مدت گزری ٻہوں ساری نہ سڄݨاں یاد کیتا ہے
پورا وعدہ ہویا نانی نہ گھن کوئی خبر آیا
ڳنڈھیں پیاں تھیسی شادی علی قاسم دی ایں چن وچ
تھیساں کانڈھی ویساں نائی سݙݨ کوئی اگر آیا
پوندم اندیشہ دل کوں آئے سفر عراق سڄݨاں کوں
رُتیں تتیاں گھلن لوئیں اتھاں ٻہوں فکر آیا
اللہ ڄاݨے ݙیندے خواب غم ناک ون نانانے
برہنہ سر علی حیدر نظر آیا نظر آیا
دامن پنجاں دا مولائی پکڑ محکم پکڑ محکم
نہیں چنتا مدو تیݙی شبیر آیا شبیر آیا
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان