مولانا محمد یار فریدی
1300ھ توں1368ھ؍1883ء توں 1948ء
ڳڑھی اختیارخان تحصیل خان پور دے رہݨ آلے ہن، آپ حضرت فریدؒ دے دل منگدے مرید ہن۔ مسئلہ وحدت الوجود دے بیان وچ ہک کافی ملاحظہ کرو:
ماہی من وچ وسدے
ہر جا یار کوں ڳول
دور نہیں دلدار دلیں دا
قبلہ قلب دا پھول
اصلوں نحن اقرب نیڑے
وھُو معکم کول
وجہ اللّٰہ عیان بیانے
حضرت عشق دا قول
وحدت والابحر محیطے
کثرت جیندی جھول
الغنی پاک ہک الف حقیقوں
ب دا حرف نہ ٻول
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان