مولانا سلطان محمود
سانچہ:خانہ معلوماتسانچہ:Compare image with Wikidata
مولانا سلطان محمود سدوالی (1815-1899) سیال شریف دے روحانی پیشوا خواجہ شمس الدین سیالوی دے خاص خلیفہ ہن۔ انہاں دی پیدائش 1230ھ بمطابق 1815ء کوں سدوال ضلع چکوال وچ تھئی۔ انہاں دا تعلق راجپوت (چھبر موہیال) قوم نال ہئی۔ انہاں نے علوم متداولہ تے حدیث شریف دی تعلیم اپݨے والد حافظ اللہ یار قادری توں حاصل کیتی۔ 1275ھ بمطابق 1858ء وچ انہاں خواجہ شمس الحارقین سیالوی توں بیعت و خلافت حاصل کیتی تے زیادہ عرصہ سیال شریف وچ ریاضت و مجاہدہ وچ گزارا۔ خرقہ خلافت حاصل کرݨ دے بعد انہاں درس و تدریس تے تبلیغ دا سلسلہ شروع کیتا جیندے توں مقامی لوکاں سمیت چھچھ، پوٹھوار تے راولپنڈی دے کئی لوک مستفید تھئے۔ انہاں دے شاگرداں وچ مولانا غلام رسول تے مولانا محمد نور (انہاں دے پتر) اہم ہن۔ انہاں دا قد میانہ، چہرہ نورانی تے ݙاڑھی شرع دے مطابق ہئی۔ او اکثر روزہ رکھدے ہن تے شریعت دی سختی نال پابندی کریندے ہن۔ او کم گو، شیریں کلام تے عاجزی و انکسار دا پیکر ہن۔ انہاں نے کئی دینی کتاباں وی لکھیاں۔ مولانا سلطان محمود سدوالی صاحب کرامت بزرگ ہن تے انہاں دی کرامات مشہور ہن۔ انہاں دا وصال 29 ربیع الثانی 1317ھ بمطابق 6 ستمبر 1899ء کوں تھیا تے انہاں کوں سدوال وچ دفن کیتا ڳیا۔ انہاں دے چار پتر تے ڈو دھیریں ہن جنہاں وچ مولانا غلام رسول سدوالی (سجادہ نشین) اہم ہن۔[١]
چاولاد
[لکھو | ماخذ وچ تبدیلی کرو]- مولانا غلام رسول سدوالی (سجادہ نشین)
- مولانا محمد نور سدوالی
- مولاناسید رسول سدوالی
- مولانا مفتی غلام محمد سدوالی
- غلام فاطمہ
- جنت خاتون
- ↑ فوز المقال فی خلفائے پیر سیال جلد اول مولف حاجی محمد مرید احمد چشتی صفحہ 516 تا 520