مولانا خورشید احمد فیضی
مولانا خورشید احمد فیضی دے پلو شاہ وعظ سُݨدے ہاسے ، چاچا حاجی عظیم بخش خاں دھریجہ تے چاچا حاجی منظور احمد خاں دھریجہ ہر سال 12ربیع الاوّل کوں وݙی خیریت تے وݙا جلسہ کریندے ہن ، یارھے دا جلسہ سݙیندا ہا ۔ پھنڈراں کوہیندیاں ہن تے اَݨ ڳیݨویاں دیڳاں پکدیاں ہن ،چا چا سئیں وݙے زمیندار ہن ہر شئے اپݨی ہئی ، چھڑا لوݨ ٻاہروں گھندے ہن ، مولود خاں وی وݙے وݙے ہوندے ہن، محمد فقیر دا وݙا چرچا ہا ، حافظ غلام نبی اَکھیں توں متھاج ہا پر خواجے سئیں دی کافی چھکیندا ہا ۔ مولانا خورشید احمد فیضی دی تقریر اپݨی جاہ پر سب توں پہلے دُعا ءِچ مخلوق کوں تڑھا ݙیندا ہا ۔ مولانا صاحب کوں اساں اپݨی وستی وی سُݨیا ، میݙے سوتر طارق دھریجہ جلسہ رکھیا ہا۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان