مولانا برخوردار خوشدل

مولانا برخوردار خوشدل ہک عالم دین بزرگ ہن۔ آپ کوں حضرت خواجہ غلام فریدؒ دے خاندانی استاد ہووݨ دا شرف حاصل اے۔ آپ دا سالِ وفات 1921ء مطابق 1339ھ ہے۔ آپ فارسی زبان و ادب دے ٻہوں وݙے عالم ہن۔ ہِیں کیتے آپ کوں سعدی ثانی سݙیا ویندا ہئی۔(70)آپ دی سی حرفی ڈھولݨ دے ݙوں بند:

ظ ظالم برہوں تن لایاں سانگاں

میں تاں راتیں ݙینہاں ٻیٹھی ڈھولے نوں تانگھاں

تیݙے درد دیاں ڈھولا لکھدی ٻیٹھی کانگاں

ڈھولہ اڄݨ نہ آیا شہریں ملیاں بانگاں

ک۔ کانگ اُݙانواں ٻیٹھی غم نوں کھانواں

راوی تار غماندی لنگھ کیویں میں آواں

قصہ درد ہجر دا کینویں آکھ سُݨانواں

خوشدل نال ہجر دے ٻیٹھی لہندیاں لانواں

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان