موسیٰ کلیم
اصل ناں ۔۔۔۔۔
قلمی ناں موسیٰ کلیم ؔ
جٖمنْ 1963ء
جاہ پتہ بٖیٹ گجی ۔ضلع لیہ
نمونہ کلام
[لکھو | ماخذ وچ تبدیلی کرو]بھوئیں فلک دے درمیاں دنیا اُتے
ہے قیامت دا سماں دنیا اُتے
ساڈٖی ہنجھ دے بالمقابل محترم
کیا بحر ہے بے کراں دنیا اُتے
جبر دی کیا انتہا آکھی ونجٖے
ڈھہہ پیا ہے آسماں دنیا اُتے
رات دا منظر قیامت آکھ گٖئے
سوجھلے دے رازداں دنیا اُتے
ظلم دے ہر سلسلے دے روبرو
صبر دی ہے داستاں دنیا اُتے
؎سِم پووے ہستی دا دریا کئی نظارا ڈٖے ونجٖے
تسے صحرا کوں سمندر دا سہارا ڈٖے ونجٖے
گھر اساڈٖا ہک زمانے توں اندھارے وات ہے
کئی مفکر علم دا روشن ستارا ڈٖے ونجٖے
ساری وستی نندر توں بیدار تھی ول سم گٖئی
ہے تمنا وقت دا والی بٖلارا ڈٖے ونجٖے
٭٭٭