منیر فاطمی
سئیں منیر فاطمی اردو تے سرائیکی زبان دے معروف شاعر اِن۔ آپ دا پیشہ وکالت ہے ۔ شعر و شاعری دے علاوہ کالم نگاری وی کریندن۔ سرائیکی وچ غزلاں تے نظماں آہدن۔ مگر انھاں دی ادبی حیثیت دا تعین نظم دے حوالے نال تھیندے۔ منیر فاطمی زندگی دے حقائق توں اَکھ نی چیندا بلکہ خود ایں اوکھے رستے توں لنگھ تے انھاں اوکھائیاں کوں محسوس کریندے تے اونکوں اپݨیاں نظماں دا موضوع بݨیندے۔ منیر فاطمی دا مجموعہ کلام ’’ٻلدے پچھانویں‘’ دے ناں نال چھپ چکے۔ کلام دا نمونہ:
منہ دھیان
[لکھو | ماخذ وچ تبدیلی کرو]میݙے اڳوں پچھوں ڳلیاں
ڳلیاں دے وچ لوگ
لوگاں دے ہتھاں وچ ہن آپݨے سر
سراں دیاں اکھیں ہن بند
جنھاں اکھیں دے وچ ہئی
خواباں دا ہک شور
سوچاں دی ہک ݙور
ہپݨ او اکھیںکجھ نہ سوچن
میݙے کیتے کوئی نہ سوچے
میں اِی سوچاں سب دے کیتے
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان
اصل ناں منیر حسین
قلمی ناں منیرؔ فاطمی
ڄمݨ 1946ء
منیرؔ فاطمی دا تعلق ملتان نال ہا۔ آپ اردو تے سرائیکی دے نامور شاعر تے نثر نگار ہن ،کئی نثری تے شعری مجموعے وی چھپ چکے ہن۔غزل دا نمونہ حاضر ہے!
غزل
[لکھو | ماخذ وچ تبدیلی کرو]جڳ دے مہݨے سہہ ونڄاں ہا
کول تیڈٖے میں رہ ونڄاں ہا
کچی کندھ ہم مینہ وُٹھے ہا
بھردے بھردے ویہہ ونڄاں ہا
تکھی دھپ ہئی ، نہ کوئی سایہ
کیویں راہ وچ ٻہہ ونڄاں ہا
ملدے رہندے آندے ویندے
آخر ہک ڈٖینہ ٹھہہ ونڄاں ہا
سانول وقت دے اندھے کھواچ
توں نہ ملدوں لہہ ونڄاں ہا