منیرن بلوچ

اصل ناں      منیر احمد

قلمی ناں      منیرن بلوچ   

جمن          1972ء   

تعلیم         ایف اے

پیشہ         ساؤنڈ سروس   

فون نمبر      03004320708

جاہ پتہ       محلہ غوثیہ چک نمبر 83ایم نذد سبزی منڈی تحصیل جلال پور پیر والا ضلع ملتان

منیرن بلوچ جلال پور پیر والے دے ہک ہوشیار تے متحرک نوجوان شاعر ہن ۔ ’’پیر قتال سرائیکی ادبی سنگت ‘‘ جلال پور دے جنرل سیکرٹری ہن ،تے منیرن بلوچ دے طفیل ای ایہ تنظیم عرصہ دراز توں فعال کردار ادا کریندی پئی ہے سرائیکی زبان و ادب دے حوالے نال منیرن بلوچ ہر ویلے ایکٹِو(ACTIVE)نظر آندن۔جتھوں تک منیرن دی شاعری دا تعلق ہے تاں خوبصور ت شاعری کریندن۔تے سرائیکی شاعری دیاں تمام مروجہ اصناف لکھدن ۔ہُن تائیں ڈوشعری مجموعے  چھپ چکے ہن تے تریجھا مجموعہ ’’سوچاں دا سفر ‘‘ عنقریب چھپن والا ہے۔بطور نمونہ آپدیاں ڈو عدد غزلاں پیشِ خدمت ہن ۔

(1) غزل

جڈن کئی یار مِل ویندے             حقی حق پیار مِل ویندے

توں آویندیں تاں ایں دل کوں             ولا عتبار مِل ویندے

اے ساڈی خوش نصیبی ہے            تیڈا دیدار مِل ویندے

ساڈیں سوچیں دے جذبیں کوں            چلو اظہار مِل ویندے

ضرورت مندلوکیں کوں            جو ہے در کار مِل ویندے

منیرنؔ  اے غنیمت ہے            جو خود دلدار مِل ویندے

(2) غزل

نت نصیحت دی گال کیتی کر          ہر زمانے دے نال کیتی کر

بئے کوں عبرت دے نال سوچا کر           پیش اپنی  مثال  کیتی کر

پہلے  تو لو  تے بعد وچ   بولو         ایویں ٹردی نہ گال کیتی کر

اپنے دامن کوں پہلے پرکھیا کر          پچھے کہیں بئے دی بھال کیتی کر

سچ منیرنؔ سلوک بخشی تاں          اپنی روزی حلال کیتی کر