منظور آفاقی

سئیں منظور احمد آفاقی عبدالحمید ارائیں دے گھر 10 مارچ 1948ء اچ ڄمئے ۔ اسلامیات اچ ایم اے تے فاضل درس نظامی کیتا ۔ 1970ء اچ شاعری شروع کیتی تے سئیں بیدل حیدری تے عبدالواحد ندیم کوں اپݨا استاد بݨایا ۔ لاریب فیہ تے کلید فرید آپ دیاں کتاباں ہِن ۔ایندے علاوہ مذہبی کتاباں وی آپ دیاں ٻہوں ہِن ، منظور آفاقی سئیں علامہ نسیم طالوت دے ݙوہترے ہِن تے قرآن مجید تے اوندا سرائیکی ترجمہ آپ دی آواز اچ ریکارڈ شدہ تے وسیب ٹی وی چینل توں چلدے ۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء