منصورعلی خان پٹودی
منصور علی خان پٹودی (ڄمݨ دی تریخ: 5 جنوری 1941ء – وفات دی تریخ: 22 ستمبر 2011ء) بھارتی کرکٹ ٹیم دے سابق کپتان ہن۔ انہاں دے پیو افتخار علی خان پٹودی وی بھارتی ٹیم دے کپتان ہن اتے انہاں نے انگلینڈ کیتے وی ٹیسٹ کرکٹ کھیلی ہئی۔
پٹودی دی ذال شرمیلا ٹیگور ہک مشہور بالی وڈ اداکارہ ہئی اتے انہاں دے پتر سیف علی خان وی بالی وڈ دے وݙے ستارے وچوں ہن۔
نواب منصور علی خان سابق ریاست پٹودی دے آخری لودھی نواب ہن۔ انہاں دی ماء بیگم ساجدہ سلطان بھوپال دے آخری نواب حمید اللہ خان دی دھی ہئی۔ انہاں دے پرݙاݙا ترائے صدی قبل افغانستان دے صوبہ قندھار دے ضلع پنجوائی توں ریاست پٹودی وچ آ کے آباد تھئے اتے اتھوں دے نواب بݨے۔ اکثر تاریخ دان انہاں کوں پنجوائی دے لودھی قبیلے نال تعلق رکھݨ آلا ݙسیندن۔
انگلینڈ وچ دوران تعلیم ہک کار حادثے وچ انہاں دی ہک اکھ ضائع تھی ڳئی ہئی، لیکن ایندے باوجود 21 سال دی عمر وچ او بھارتی کرکٹ ٹیم دے کپتان بݨ ڳئے۔ او اپݨے زمانے وچ ہک جارحانہ بلے باز اتے شاطر کپتان دے طور تے ڄاݨے ویندے ہن۔ اپݨی تیز رفتار فیلڈنگ دی وجہ توں انہاں کوں ’ٹائیگر‘ دا لقب ملیا ہئی۔ انہاں نے بھارت کیتے 46 ٹیسٹ میچ کھیلے جنہاں وچوں 40 وچ انہاں نے کپتانی کیتی اتے تقریباً 35 دی اوسط نال 2793 رنز بݨائے، جنہاں وچ 6 سنچریاں اتے 16 نصف سنچریاں شامل ہن۔ ٹیسٹ کرکٹ وچ انہاں دا سب توں زیادہ انفرادی سکور 203 رنز ہئی۔
انہاں دا انتقال 22 ستمبر 2011ء کوں نویں دہلی وچ 70 سال دی عمر وچ تھیا۔
ٻیا ݙیکھو
[لکھو | ماخذ وچ تبدیلی کرو]- کرکٹ
- ٹیسٹ کرکٹ
- بھارت قومی کرکٹ ٹیم
- بھارت کے ٹیسٹ کرکٹ کھلاڑیوں کی فہرست
- بھارت کے کرکٹ کپتانوں کی فہرست
- سسیکس کاؤنٹی کرکٹ کلب کے کھلاڑیوں کی فہرست