منشی منظور
اصل ناں منظور حسین
قلمی ناں منشی منظورؔ
ڄمݨ 1963ء
جاہ پتہ لیہ شہر
منشی منظور ؔدا تعلق تھل دے شہر لیہ نال ہے۔آپ دی شاعری وچ درد ،ہجر فراق تے مونجھ مونجھاری دی جھلک نمایاں نظر آندی ہے۔
نمونہ کلام
[لکھو | ماخذ وچ تبدیلی کرو]؎ذرا اوندی ادا ݙیکھو او کتنا بے وفا تھی ڳئے
سبھے وعدے سبھے قسماں بھلا کے او گزر ویندے
میں سمجھا ہا میݙے نزدیک آ کے سینے لڳ ویسی
غضب تاں اے ہے جو نزدیک آکے او گزر ویندے
؎سڄݨ مجبور لوکاں کوں ستاوݨ ٹھیک نئیں ہوندا
تے کہیں دی بے کسی تے مسکراوݨ ٹھیک نئیں ہوندا
اساں تَیں کِن فقط دیدار منگدے ہیں
فقیراں کوں کݙی خالی ولاوݨ ٹھیک نئیں ہوندا
٭٭٭