منجیت ٹوانہ

منجیت ٹوانہ (پیدائش سن 1947) پنجاب، بھارت نال تعلق رکھݨ والی ہِک بھارتی شاعرہ ہِن۔

سیرت

منجیت ٹوانہ پنجاب دے شہر پٹیالہ وچ پیدا تھئِیاں۔ اُنھاں نے اپݨی ابتدائی تعلیم پٹیالہ توں ہی حاصل کِیتی۔ اُنھاں نے پنجاب یونیورسٹی توں بالترتیب 1969 تے 1973 وچ نفسیات تے انگریزی وچ ایم اے تے 1984 وچ نفسیات وچ پی ایچ ڈی مکمل کِیتی۔ اُنھاں نے سن 1975 وچ انڈین تھیٹر (اداکاری تے ہدایتکاری) وچ ڈپلوما وی کِیتا ہئی۔

اوہ مختلف کالجاں وچ نفسیات دی استاد رہیاں ہِن۔ اُنھاں نے گورنمنٹ کالج برائے زنانیاں چندی گڑھ وچ شعبہ نفسیات دی سربراہ دے طور تے وی کم کِیتا۔

ٹوانہ دی پہلی نظم "نگمانی" وچ اِس وقت شائع تھئی جݙݨ اوہ صرف سولہ سال دی ہَن۔ منجیت نے شاعری دے سات مجموعے تصنیف کِیتے ہِن۔ اُنھاں دی نمایاں شعری تصنیفات اِیہ ہِن: "الہام" (1976)، "الزام" (1980)، "تاریاں دی جوں" (1982)، "یونیڈا ورتمان" (1987)، "ساوتری" (1989) تے "جن پریم کیو" شامل ہِن۔

ایوارڈ

اُنھاں کوں ادبی خدمات دے اعتراف وچ مختلف اعزازات نال نوازا ڳیا۔ اُنھاں کوں 1990 وچ اُنھاں دی شاعری "یونیڈا ورتمان" (شاعری دی کتاب) کِیتے ساہتیہ اکیڈمی ایوارڈ نال نوازا ڳیا۔ 1999 وچ پنجاب دے ریاستی محکمہ زبان دی طرفوں "شیرمنی پنجابی کوی پرسکار" دا اعزاز مِلیا۔

ٻاہرلے جوڑ

• ٹوانہ کی شاعری (محفوظ شدہ دستاویزات 28 اکتوبر 2009)
• پنجابی شاعرات میں سے تین