منتر
ایہ سنسکرت دا لفظ ہے جیندے معنے ہِن : جادو ۔ ایندے نال منتر جنتر دی ترکیب وی استعمال تھیندی ہے ۔ منتر پڑھݨ ، منتر پُھوکݨ ، منتر چلاوݨ ، منتر کرݨ دے فعل وی استعمال تھیندِن ۔ منتری جادو گر کوں آہدن:
سرائیکی وسیب وچ کئی منتر ورتوں اِچ ریہ ڳئین ۔ اَڄ کل اِنھاں دا استعمال کوئنیں:۔
1وَٹھونہیں دے ݙنگ دا منتر:
[لکھو | ماخذ وچ تبدیلی کرو]جیکر کیں بندے کوں وٹھونہاں ݙنگ مار ونجٖے تاں کُئی بندہ ونجٖ کے منتر پڑھݨ آلے کوں آکھے تاں منتری ݙسݨ آلے بندے کوں منتر پڑھ کے پاݨی پِلا ݙیندے ۔ بِمار کوں خیر آ ویندی ہے۔
منترایہ ہے: اِسمُوں ،نِسمُوں کاکڑ ݙانگیا ، اوہ کاکڑ مرجائے گا
اَن ݙانگے کو پاݨی پلائوں گا ، ݙانگا بچ جائے گا
ترجمہ : اِسمُوں نِسموں بچھو نے ڈنگ مارا لیکن بچھو مر جائے گا ۔ میں اَن ڈنگے کوں پانی پلائوں گا تو ڈانگیا بچ جائے گا۔
(2پنج بِماریاں دفع کرن دا منتر
[لکھو | ماخذ وچ تبدیلی کرو]السر ، داݨیاں ، ݙند درد ، اَکھ آوݨ تے چھاتی دی سوزش ہووے تاں ایہ منتر پڑھدن:
پار بیائی بنتری ، جِس سَوَنت جٖایا ، لوت۱ ، کرات۲
گھنندرا ۳ ، اَکھ۴ آئی ، تھن۵ ٹِھلیا ، پنجے ہا ہُوت
ترجمہ: بنتری نے سَوَنت کو دریا پار جنم دیا جس کے نتیجے میں السر ، پھوڑے ، دانت درد ، آشوبِ چشم اور چھاتی کی سوزش پانچوں رخصت ہو گئے۔
(3فصلاں دیاں بِماریاں کیتے منتر
[لکھو | ماخذ وچ تبدیلی کرو]کݨک ، چݨے یا مکئی دی فصل اُتّے کُنگی؍ تیلے دا حملہ تھی ونجٖے تاں ایہ منتر پڑھ کے اُٹھ دی ہݙی ایں ساڑی ویندی ہے جو اِیندا ادُھواں ساری فصل کوں ولھٹ گھنّے ، منتر ایہ ہے:
کُنگی ، کِیڑا ، مُولا ، بکھرا ، چارے بھیݨ بھرا
حکم خُدا دے نال آئی ہوا اَتے ڳئی اُݙا
ترجمہ : کُنگی ، کیڑا ، مُولا ، بکھرا چاروں بیماریاں ملتی جُلتی ہیں ۔ خدا کے حکم سے ہوا آئی اور اِنہیں اُڑا لے گئی۔
بعض اوقات یہ منتر یوں پڑھتے ہیں:
کُنگی ، کیڑا ، بکھرا ، ترئیے بھیݨ بھرا
روٹی بے نماز دی ڳئی وا ء اُݙا
…………
(4زناور کوں مُہاڑا ؍مُونہ کُھر دی بِماری دا منتر
[لکھو | ماخذ وچ تبدیلی کرو]زناور کوں مونہ کُھر دی بِماری آوے تاں ایہ مَنتر پڑھدِن:
سورن جیت دے ترے بیٹے ، ݙر ، ݙتھر ، ٻہارا
بیوی بائی دے پاپ ݙبن جے دھن وچ کرے پسارا
ترجمہ: سورن جیت کے تین بیٹے ڈر ، ڈتھر اور بہارا ہیں۔بیوی بائی کے گناہ اُسے لے ڈوبیں اگر وہ اس دنیا میں آئی ہے۔
(5زناور دے خوراک نہ کھاون دا منتر
[لکھو | ماخذ وچ تبدیلی کرو]جیکر زناور خوراک نہ کھاوے تاں زناور دے ݙونہاں کنّاں وچ ایہ منتر11/7واری پُھکیندِن۔
کالا پَٹھّا ، پَٻر وَنّاں
زمین وچ ، ہک سالُو اُپنُو آں
نہ کر پٹھا ایݙا ماݨاں
میں بھی تیری ذات پِچھاݨاں
اَنت نگری اَنت گور
مرے پٹھا تے جِیوے ڈھور
ترجمہ: کالا پٹھا معمولی قسم کا ہے ۔ زمین میں ایک سال اُگ آیا ۔ اے پٹھا ! اِتنا مان نہ کر ۔ میں تیری اصلیّت جانتا ہوں۔ آخر کار موت تیرا گھر ہے ۔ پٹھا مرے اور جانور بچ جائے۔
………………………