منال الشریف

منال الشریف
(عربی میں: منال الشريف)
معلومات شخصیت
پیدائش	25 اپریل 1979ء (46 سال)  مکہ
شہریت	سعودی عرب
تعداد اولاد	2
عملی زندگی
مادر علمی	جامعہ ملک عبد العزیز
پیشہ	[[:مصنف|مصنفہ]] ،  فعالیت پسند ،  کمپیوٹر سائنس دان
پیشہ ورانہ زبان	عربی ،  انگریزی
شعبۂ عمل	کمپیوٹر سائنس دان
ویب سائٹ
ویب سائٹ	باضابطہ ویب سائٹ

منال الشریف (پیدائش 25 اپریل 1979ء) حقوق زنانیاں کِیتے کوشش کرݨ والی ہک سعودی زنانی ہِے۔ منال نے 2011ء وِچ سعودی عرب وِچ زنانیاں دے ڈرائیونگ کرݨ دے حق کِیتے کم دا آغاز کِیتا۔ وجیہ الحویدر جیڑھی پہلے ہی حقوق زنانیاں کِیتے کم کر رہی ہئی تے کار چلاوݨ دی وڈیو بݨائی ہئی، اُون٘ں منال الشریف دی ڈرائیونگ کرݨ دے ویلے وڈیو بݨائی تے یوٹیوب تے فیس بک تے پیش کِیتی۔ 21 مئی 2011ء کوں منال کوں گرفتار کر گِھدّا ڳیا تے 30 مئی کوں اِیں شرط تے ضمانت تِھئی جو، منال الشریف ذرائع ابلاغ نال ڳالھ کائنی کریسی، گاڑی کائنی چلائیسی تے دوبارہ پُچھ ڳچھ کِیتے بلائی ڳئیسی تاں حاضری ݙیسی۔

تعلیم

منال نے شاہ عبد العزیز یونیورسٹی توں بی ایس سی دی سند گِھدّی ہِے۔ 2012ء تک، سعودی عرب دی قومی تیل کمپنی، سعودی آرامکو وِچ منال نے انفارمیشن سیکورٹی کنسلٹنٹ دے طور تے کم کِیتا۔ منال سعودی عرب دے روزنامہ الحیات وِچ وی لکھدی رہی ہِے۔ منال دی پہلی کتاب ڈرائیونگ کِیتے جرات: ہک سعودی زنانی دی بیداری (Daring to Drive: a Saudi Woman's Awakening) سائمن اینڈ شسٹر نے جون 2017ء وِچ شائع کِیتی۔ اِیہ کتاب جرمن، عربی، ترکی تے ڈنمارکی زبان وِچ دستیاب ہِے۔

ذاتی زندگی

منال دے ݙو ٻال ہِن، ہک پُتر سعودی عرب وِچ دادی کول ہوندا ہِے تے ݙوجھا آسٹریلیا وِچ منال کول۔ سعودی عرب والا پُتر منال نال کائنی مِلدا۔ پہلی ویاہ سعودی عرب وِچ تِھئی جیندے توں 2005ء وِچ ہک پُتر پیدا تِھیا، پر اِیہ ویاہ طلاق تے ختم تِھئی۔ سعودی قانون دے مطابق پُتر کوں والد دی سرپرستی وِچ ݙے ݙِتّا ڳیا۔ طلاق دے بعد منال دبئی چلی ڳئی، اُتّھاں اُون٘ں اپݨے پُتر نال مِلݨ کِیتے اُون٘کوں دبئی سݙاوݨ دی کوشش کِیتی تاں اُون٘دا سابقہ شوہر اِیں ڳالھ توں انکار کر ݙِتّا، جیندے تے منال واپس سعودی عرب آئی تے عدالت وِچ اپیل کِیتی۔ عدالت نے ݙہویں صدی عیسوی دے ہک اسلامی قانون دا اطلاق کِیتا، جیندے وِچ لمبے فاصلے دے سفر کوں ٻالاں کِیتے خطرناک قرار ݙِتّا ڳیا ہِے، تے ٻال کوں دبئی دے سفر توں روک ݙِتّا۔

منال دی ݙوجھی ویاہ توں ہک ٻیا پُتر 2014ء وِچ پیدا تِھیا۔