ممدا ݙکن

ہزل گوئی وچ ممدا ݙکݨ تحصیل لیاقت پور، رحیم یار خان ضلع وچ گذرئیے۔ ممدا ٻیٹ دے رہن ْوالا ہئی۔ اوں کافی ساری سنجیدہ شاعری وی کیتی ہے۔ خاص طور تے پورے سرائیکی علاقے دے ہک ہک شہر تے اوندیاں سوکھڑیاں ڳݨاوݨ اتے ہک طویل نظم ملدی ہے۔ ممدا ݙکݨ دی دریائے سندھ دے کنڈے تے رہݨ والی ہک شاعرہ تگی نال ادبی چشمک تھی ڳئی۔ ݙوہیں ہک ٻئے دے خلاف بیحویہ تے ہزلیہ شاعری کریندے رہندے ہن۔ ممدا ݙکݨ دی ہک ہزلیہ نظم دا مکھڑا ہے:

بن دے پاروں اَکریں تے گتی ماری سیٹی

تھی ممدا منہ دھیان کھڑیں تے ٹپ آواں جے ریتی

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان