ممتاز (اداکارہ)

ممتاز (اداکارہ)
Mumtaz
معلومات شخصیت
ڄم	(1947-07-31) 31 جولائی 1947 ممبئی، بمبئی پریزیڈنسی، برطانوی راج (موجودہ ممبئی، مہاراشٹر، بھارت)
رہائش	لندن
شہریت	برطانوی ہند ڈومنین بھارت بھارت
کنیت	Mumu
شریک حیات	میور مدھوانی
عملی زندگی
پیشہ	اداکارہ
پیشہ ورانہ زبان	ہندی
کارہائے نمایاں	ہمراز (1967 فلم) ،  برہمچاری (1968ء ہندی فلم)
اعزازات
فلم فیئر اعزاز   ایفا حاصل زیست اعزاز
	IMDB پر صفحہ

ممتاز (اداکارہ) ہک بھارتی فلمی اداکارہ ہن۔ ممتاز دی پیدائش 31 جولائی 1947ء کوں ممبئی وچ تھئی۔ بالی ووڈ وچ ممتاز کوں ہک اینجھی اداکارہ دے طور تے یاد کیتا ویندا ہے، جنہاں نے 1960ء تے 1970ء دے ݙہاکیاں وچ اپݨے رومانوی انداز تے مؤثر اداکاری نال شائقین کوں دیوانہ بنا ݙتا ہئی۔

فلمی سفر

ممتاز کوں بچپن توں ہی فلمیں دا شوق ہئی تے اوہ بچپن توں ہی اداکارہ بݨݨ دا خواب ݙیکھدی ہن۔ محض 12 سال دی عمر وچ، ممتاز نے فلم انڈسٹری وچ قدم رکھ ݙتا۔ 1960ء دے ݙہاکے وچ، ممتاز نے کئی اسٹنٹ فلمیں وچ کم کیتا، جنہاں وچ انہاں دے نال ہیرو دا کردار دارا سنگھ نے ادا کیتا۔ دارا سنگھ دے نال ممتاز دیاں فلمیں وچ "ہرکیولیس"، "فولاد"، "ویر بھیم سین"، "سیمسن"، "ٹارجن کم ٹو دہلی"، "آندھی اور طوفان"، "سکندر اعظم"، "ٹارجن اینڈ کنگ کانگ"، "رستم ہند"، "باکسر"، "جوان مرد"، تے "ڈاکو منگل سنگھ" وغیرہ شامل ہن۔ انہاں وچوں کئی فلمیں باکس آفس تے ہٹ ثابت تھئین، پر کامیابی دا سارا کریڈٹ دارا سنگھ کوں ݙتا ڳیا۔

1965ء وچ، ممتاز دی فلم "میرے صنم" ریلیز تھئی۔ ایں فلم وچ ممتاز نے ویمپ دا کردار ادا کیتا۔ ایں فلم وچ آشا بھوسلے دی آواز وچ اوپی نیر دی موسیقی نال آراستہ گیت "یہ ہے ریشمی زلفوں کا اندھیرا، نہ گھبرایئے" شائقین وچ ٻہوں مقبول تھیا۔ 1967ء وچ ریلیز تھیوݨ آلی فلم "پتھر کے صنم" ممتاز دیاں اہم فلمیں وچ شمار کیتی ویندی ہے۔ منوج کمار تے وحیدہ رحمن دے مرکزی کردار آلی ایں فلم وچ ممتاز نے وی ہک اہم کردار ادا کیتا۔ ایں فلم وچ انہاں تے ہک آئیٹم گیت "اے دشمن جاں، چل دیا کہاں" فلمایا ڳیا، جیہڑا شائقین وچ ٻہوں پسند کیتا ڳیا۔

"میرے صنم" تے "پتھر کے صنم" دی کامیابی دے باوجود، ممتاز اداکارہ دے طور تے اپݨی شناخت بݨاوݨ کیتے فلم انڈسٹری وچ جدوجہد کریندی رہی۔ ایں دوران انہاں دیاں فلمیں "ساون کی گھٹا"، "یہ رات پھر نہ آئے گی"، تے "میرے ہمدم میرے دوست" ریلیز تھئین۔ انہاں فلمیں وچ مرکزی اداکارہ دے طور تے شرمیلا ٹیگور نے کم کیتا، جبکہ ممتاز نے معاون اداکارہ دا کردار ادا کیتا۔

ممتاز دی اداکاری دا ستارہ "رام اور شیام" دے نال چمکا، جیندے وچ انہاں نے دلیپ کمار دے مد مقابل کم کیتا۔ ایہ فلم بہت کامیاب رہی۔ ایندے بعد، فلمساز تے ہدایت کار راج کھوسلہ دی کلاسیکل فلم "دو راستے" نے انہاں کوں کامیابی دی بلندیاں تے پہنچا ݙتا۔