ممتاز کاظمی
اصل ناں ممتاز حسین شاہ
قلمی ناں ممتاز کاظمی
جمن 1971ء
تعلیم ایف اے
پیشہ ملازمت
فون نمبر 03444808453
جاہ پتہ پہاڑ پور ضلع لیہ
سید ممتاز حسین شاہ (ممتاز کاظمی)ضلع لیہ دے قصبہ پہاڑ پور دے جموڑ ہن۔ عرصہ دراز توں شاعری کریندے پئین۔جڈاں جو اصلاحِ سخن ارشاد جھنڈیر توں گھندے رہ گئے۔ممتاز کاظمی انتہائی حساس دل شاعر ہے جیڑھا کہیں وی مفلس دی حالتِ زار ڈیکھ کے رو ڈیندے۔
ہائے بُکھ تے مفلسی ممتازؔ کیتن کیا ستم
رو ڈتے ہک پھُل کوں میںکل پھُل وچیندا ڈیکھ کے
(1) غزل
[لکھو | ماخذ وچ تبدیلی کرو]تیز دھپ نے گو پھُلیں کوں سئیں کماناں کر ڈتے
اپنی خوشبوکوں انہاں گلشن دا گہناں کر ڈتے
منہ کمانے ہن مگر لب تے کوئی شکوہ نہیں
مفلسی نے میڈے بالیں کوں سیاناں کر ڈتے
بکھ دے ماریئے سم گئے ہن بانہہ سراندی ڈے کرائیں
فرش بستر ریت کوں سر دا سراناں کر ڈتے
ٹھوکراں کھاندے ودن محوِ حصولِ روز گار
تنگدستی چندر چہریں کوں نماناں کرڈتے
آ نَویں عزم وجنوں دے نال ول زندہ کروں
قوم دے ایوان نے مسئلہ پراناں کر ڈتے
کیوں امیرِ شہر نے ممتازؔ حق کیتن غصب
کیوں غریبِ شہر دا توّا اُتاناں کر ڈتے