ممتاز خان دا رسالہ سوجھلا

نینگریں سانگے اُنہاندی حیاتی سوجھلا ہے ، سوجھلے توں ڳال یاد آئی اے ممتاز خان دا رسالہ ’’سوجھلا‘‘ ہا اوندے وچ اُستاد صاحب دیاں تحریراں اَمدیاں ہَن ، اُستاد ݙاڈھی تعریف کریندے ہَن جو سرائیکی دا چنگاں ادبی رسالہ اَئے ۔ ’’سچار‘‘ رسالہ کراچی توں آیا ، فخری صاحب دا اوندے وچ وی اُستاد دیاں لکھتاں اَمدیاں ہَن ،’’ سرائیکی ادب ‘‘ پہلے توں اَمدا ہا ، ولا خان پور توں دھریجہ صاحبان رسالہ ’’روہی رنگ‘‘ شروع کیتا ۔ اوندے وچ اُستاد صاحب لکھدے ہَن ۔ اُردو رسالے تے اخباراں وچ تحریراں ہوندیاں ہن ، اُستاد صاحب دا ہک واری اُردو ءِچ مضمون آیا ݙاڈھی بَھل بَھل تھئی ، اے ساریاں شئیں کٹھیاں تھیون، ہک پوتھی بݨ آوے ، ہک کتاب آوے ۔ اُستاد صاحب اساں تاں عقیدت مند شاگرد ہاسے ، اتنے وݙے کم نہ کر سڳیئے ، اُستاد دے شاگرد قاصر جمالی صاحب تے رفیق ساحل جہے لوکیں وݙا ناں بݨائے ۔ رفیق ساحل صاحب دی ہک کتاب آئی ، اوندا ناں ’’ٻݙدا ساحل‘‘ اُستاد ہوریں رکھیا ہا ۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان