ممتاز حیدر ݙاہر
ممتاز حیدر ݙاہر تحصیل صادق آباد دے تاریخی قصبے بھٹہ واہݨ دے ہک زمیندار گھراݨے نال تعلق رکھدن۔ آپ عرصہ دراز توں سرائیکی زبان و ادب دی خدمت کریندے پن۔ سوجھلا اشاعتی ادارے دے سرپرست ہن۔ اے ادارہ ہُݨ تئیں کئی کتاباں تے ہک سرائیکی کتاب لڑی ’’سوجھلا‘‘ دے ناں نال شائع کر چکے۔ ممتاز حیدر سرائیکی شاعری وچ ہک تکڑی تے نویں آواز اے۔ غزل تے نظم ݙوہیں پاسے انھاں نواں لہجہ جدید شاعری دے وادھے وچ اڳوہاں ہے۔ ممتاز حیدر دے کلام وچ اپݨے عہد دے مسائل۔ انسانی ݙکھ سُکھ ‘ عالمی ادبی تحریکیں دے اثرات ݙسدن۔ اُنھاں دے مجموعہ کلام کشکول وچ سمندر وچوں ہک غزل دا نمونہ:
غزل
ولیکھا کوئی نی رکھیا منتظر ہوا دے ہن
اساݙے شہر دے کجھ لوگ کتنے سادے ہن
درخت چھاں کیتے سکدن زمین دھپیں کوں
کہیں تے اے نہ کھلیا سجھ دے کیا ارادے ہن
او کتنے توݨیں بھلا بارشیں کنوں لُکٖسن
جنھاں دے جسم اُتے کاغذی لبادے ہن
سمندریں ݙوں اُٹھی تے کتھاں وسن بادل
جو سب دے ہونٹیں اُتے حرف بد دعا دے ہن
گذردا وقت نشانیاں چھوڑیندا ڳے حیدر
اساݙے چہرے تے لیکے نتاں اے کیا دے ہن
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان