ممتاز العیشی
اصل ناں منیر احمد
قلمی ناں ممتازؔ العیشی
جٖمݨ 1931ء
وفات 1990ء
ممتازؔ العیشی ہک کہنہ مشق استاد شاعر ہن تے آپ دے والد ماجد نصیرالدین وی اپݨے زمانے دے مہاندرے شاعر ہن۔ایہا ای وجہ ہے جو آپ کوں ٻلپݨ اچ ادبی ماحول مل ڳیا۔آپ علامہ عیش فیروز پوری دے ناں آلے شاگرد ہن۔نظم تے غزل انہاں دیاں پسندیدہ اصنافِ سخن ہن۔غزل دا نمونہ حاضر ہے!
؎توں حسن ہیں میں عشق ہاں
تیکوں اپݨی چس میکوں اپݨی چس
تیکوں ڈھکدی ناز دی ہے شوخی
میݙا دم نیاز دا مٹھا رس
٭٭٭