ممتاز احمد زاہد
اصل ناں ملک ممتاز احمد
تخلص زاہدؔ
جٖمنْ 1954ء
جاہ پتہ واہی حسین ڈاکخانہ نورپور نورنگاضلع بہاولپور
ممتاز احمد زاہدؔ جوان جذبیں دا شاعر ہے۔ایندی شاعری وچ محبوب دے ملنْ دی سک تے تانگھ طلب فالاں پیندی نظر آندی ہے۔ہک غزل دا مطلع ڈٖیکھو!
غزل
[لکھو | ماخذ وچ تبدیلی کرو]توڑے جو بھا دا دریا ہے ،مگر ہُنْ پار کرنْاں ہے
میکوں شاعری دیوچ ہُنْ قوم کوں بیدار کرنْاں ہے
فقط ایں واسطے ڈٖینداں خودی دا درس میں تیکوں
تیکوں ہُنْ انقلاباں واسطے وی پیار کرنْاں ہے
غلامی کئی جو صدیاں دی،بھلی ہک روز آزادی
میکوں اعلان اے آکے سرِبازار کرنْاں ہے
صدا حق دی تشدّد وچ دبائی ونجٖ نہیں سگٖدی
میکوں ہر حال وچ جذبات دا اظہار کرنْاں ہے
اکھیسے رو تے زاہدؔـــ دی قبر تے آکے دوشیزہ
میکوں مرحوم دا بٖس آخری دیدار کرنْاں ہے