ملیحہ سمیع

ملیحہ سمیع ہک پاکستانی کمرشل پائلٹ ہن۔ 1990 وِچ، اوہ ملک دی پہلی زنانی بݨ ڳئیاں جنہاں نے کمرشل ہوائی جہاز کوں فرسٹ آفیسر دے طور تے اُڑایا۔

پس منظر

سمیع چھ بھیݨ بھران٘واں وِچ اکلوتی دِھی ہن جنہاں دا تعلق کوئٹہ، بلوچستان، پاکستان نال ہے۔

پیشہ ورانہ حیاتی

سمیع نے پاکستان سول ایوی ایشن اتھارٹی (سی اے اے) کِیتے چھ سال توں زیادہ عرصے تک کم کِیتا، جتھاں انّھاں نے جہاز دے شریک پائلٹ دی حیثیت نال چھوٹے، جڑواں انجن والے طیارے اُڑائے۔

1989 دے بعد ملیحہ کوں پاکستان انٹرنیشنل ایئر لائن نے باقاعدہ پائلٹ دی تربیت وِچ شرکت کِیتے بلایا ہئی۔ انّھاں دے ساتھیاں وِچ عائشہ رابعہ نوید وی ہَن، جو تجارتی ہوائی جہاز دی کپتانی کرݨ والی پہلی زنانی بݨیاں۔ سمیع نے 1990 وِچ فرسٹ آفیسر دی حیثیت نال پہلی پرواز کیتی ہئی۔ فروری 1994 وِچ، ملیحہ، کراچی توں کوئٹہ تے اسلام آباد دی پرواز کِیتے وسیع باڈی ایئربس اے 300 پرواز چلاوݨ والی پہلی پاکستانی زنانی پائلٹ بݨ ڳئیاں۔ سمیع اِیہ پہلی پاکستانی زنانی پائلٹ وی ہَن جنہاں نے 1990 وِچ کراچی-پنجگور-تربت-گوادر سیکٹر تے شیڈول فوکر پرواز چلائی ہئی۔ ملیحہ 1996 وِچ ائیربس A310 اُڑاوݨ والی کمپنی وِچ پہلی زنانی پائلٹ ہَن۔

سمیع نے امریکا وِچ ریفریشر تے ٹریننگ دے متعدد کورساں وِچ وی حصہ گھِدا۔ انّھاں نے ملائشیا دے شہر کوالالمپور وِچ ترے ہفتیاں دے تربیتی پروگرام وِچ وی شرکت کیتی۔