ملک نور محمد نورا مالی

ملک نور محمد مالی دا کم کریندے ہن۔ آپ سکنہ چاہ پپل والا دیرہ اسماعیل خان دے رہݨ والے ہن‘ کالو خیل قوم دے ہن۔ سارے لوک ہک عوامی شاعر نورا مالی دی حیثیت نال سُنڄݨیندن۔ نورا مالی 110سال دی عمر وچ 1336ء وفات پاتی۔ نورا مالی ݙوہڑے دا شاعر ہے ۔ آپ دے ݙوہڑیاں وچ باغاں‘ پھلاں ‘ موسماں ‘ بہاراں تے چہکدیاں پکھیاں دے جا جا تے ذکر ملدن۔(83)

ݙوہڑے

طوطے کرݨ ٻولیاں پل پل کرݨ چار چودھارے

پلپل ٻولیاں سمجھݨ والا مالک صاحب ستارے

مالک سائیں رمز ݙکھائی چنج رتی سبز بہارے

نورا سائیں ہے ݙہدا ریہا اڈ ڳئی ہتھاں چوں جھارے

………

آئی بہار گلزار چمن وچ بلبل ڳاوݨ گاوِن

باغ دی سیر وو آوݨ دانے ݙیکھ الحمد الاون

سینڳیاں سیّاں وچ چمن دے پینگھاں آن رساون

نورا ارائیں ملے یار میکوں میݙیاں اکھیں ٹھاڈل پاون

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان