ملک فیروز خان نون

ملک فیروز خان نون پاکستان دا ستواں وزیر اعظم ہا۔ او 7 مئی 1893 کوں سرڳودھا دی تحصیل بھلوال دی وستی ہموکہ وچ پیدا تھیا ہا۔ من٘ڈھلی تعلیم بھیرہ کنوں حاصل کر تے ایچی سن کالج لاہور وچ پڑھیا۔ ول اعلی تعلیم کیتے ولایت ڳیا جتھاں قانون دی ڈگری حاصل کیتی تے سرڳودھا کنوں وکالت شروع کیتی۔ 1920 کنوں عملی سیاست وچ حصہ گھنݨ شروع کیتا۔ اپریل 1950 کنوں اکتوبر 1952 تئیں پوادھی پاکستان دا ݙوجھا گورنر ریہا۔ 13 اپریل 1953 کنوں 21 مئی 1955 تئیں پن٘جاب دا تریجھا وزیر اعلی ریہا۔ 1955 وچ مسلم لیگ چھوڑ تے ری پبلکن پارٹی وچ شامل تھی ڳیا۔ ابراہیم اسماعیل چندریگر دے استعفیٰ دے بعد 16 دسمبر 1957 کو وزیر اعظم بݨ ڳیا تے 7 اکتوبر 1958 تئیں ایں عہدے تے ریہا۔ ملک فیروز خان نون 9 دسمبر 1970 کوں 77 سال دی عمر وچ فوت تھی ڳیا۔