ملک ضیاء الحق عیسیٰ خیلوی

عیسیٰ خیل دھرتی دی ضیاء عیسیٰ خیلوی ہوراں دا اصل ناں ضیاء الحق ہے ۔آپ 1949ء اچ شیخ موسیٰ خیل ضلع میانوالی اچ پیدا تھئے۔ایم اے۔ بی ایڈ تئیں تعلیم حاصل کرݨ دے بعد بطور ایجوکیشن آفیسر تعینات تھئے۔ اڄ کل ریٹارڈ ہن۔سرائیکی شاعری دیاں تمام اصناف اچ طبع آزمائی کیتی تے سوہݨا کلام لکھیا۔

ضیاء عیسیٰ خیلوی دا شمار ضلع میانوالی دے نمائندہ شعراء وچ تھیندے ۔آپ ادبی تنظیم ’’حلقہ ءِ اربابِ ذوق‘‘ عیسیٰ خیل دے صدر ہن تے آپ دی سربراہی وچ ایہ تنظیم ماشاء اللہ 30سالاں توں فعال کردار ادا کریندی پئی ہے ۔جتھوں تک ضیاء صاحب دی شاعری دا تعلق ہے تاں خوبصورت شاعری کریندن۔ سرائیکی ماء ٻولی نال ٻہوں محبت کریندن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء