ملک احمد یار ہنجرہ
| ملک احمد یار ہنجرہ | |
|---|---|
| معلومات شخصیت | |
| پیدائش | 6 مارچ 1978ء (47 سال) |
| جماعت | پاکستان مسلم لیگ (ن) |
| عملی زندگی | |
| پیشہ | سیاستدان |
درستی - ترمیم  | |
ملک احمد یار ہنجرا ہک پاکستانی سیاست دان ہن، جیہرا 2002 توں مئی 2018 تک پنجاب دی صوبائی اسمبلی دے رکن رہے۔
ابتدائی حیاتی تے تعلیم
[لکھو | ماخذ وچ تبدیلی کرو]ملک احمد یار ہنجرا نے گورنمنٹ کالج یونیورسٹی کنوں گریجویشن کیتا۔ انہاں نے 2003 وچ قائداعظم یونیورسٹی کنوں فنانس وچ ماسٹر آف بزنس ایڈمنسٹریشن دی ڈگری حاصل کیتی تے بہاؤالدین زکریا یونیورسٹی کنوں قانون وچ گریجویشن کیتا۔ انہاں دا تعلق سرائیکستان دے ہک سیاسی گھراݨے نال ہے، جیندے سربراہ سلطان محمود ہنجرا ہن۔
سیاسی کیریئر
[لکھو | ماخذ وچ تبدیلی کرو]ملک احمد یار ہنجرا 2002 دے پاکستانی عام انتخابات وچ حلقہ پی پی-251 (مظفر گڑھ-I) کنوں پاکستان مسلم لیگ (ق) دے امیدوار دے طور تے پنجاب دی صوبائی اسمبلی کیتے منتخب تھئے۔ انہاں نے 21,695 ووٹ حاصل کیتے تے متحدہ مجلس عمل دے امیدوار مفتی عبد الجلیل کوں شکست ݙتی۔ ایں ہی الیکشن وچ، انہاں نے پاکستان دی قومی اسمبلی دی نشست حلقہ NA-176 (مظفر گڑھ-I) کنوں آزاد امیدوار دے طور تے حصہ ڳھدا، پر اوہ کامیاب نہ تھئے۔ انہاں نے 2,823 ووٹ حاصل کیتے تے پاکستان پیپلز پارٹی دی امیدوار خالدہ محسن علی قریشی کنوں نشست ہار ڳئے۔ اوہ 2008 دے پاکستانی عام انتخابات وچ حلقہ پی پی 251 (مظفر گڑھ-I) کنوں مسلم لیگ (ق) دے امیدوار دے طور تے پنجاب دی صوبائی اسمبلی کیتے ولا منتخب تھئے۔ انہاں نے 19,913 ووٹ حاصل کیتے تے پیپلز پارٹی دے امیدوار ملک محمد یوسف ہنجرا کوں شکست ݙتی۔ اوہ 2013 دے پاکستانی عام انتخابات وچ حلقہ پی پی 251 (مظفر گڑھ-I) کنوں پاکستان مسلم لیگ (ن) دے امیدوار دے طور تے پنجاب دی صوبائی اسمبلی کیتے ولا منتخب تھئے۔ انہاں نے 33,502 ووٹ حاصل کیتے تے پاکستان تحریک انصاف دے امیدوار محمد اشرف خان رند کوں شکست ݙتی۔ نومبر 2016 وچ انہاں کوں وزیر اعلیٰٰ پنجاب شہباز شریف دی صوبائی کابینہ وچ شامل کیتا ڳیا تے انہاں کوں پنجاب دا صوبائی وزیر جیل خانہ جات بݨایا ڳیا۔