ملتان دیاں واراں

ملتان دیاں واراں سئیں پروفیسر شوکت مغل دی کتاب دا ناں ہے ۔ ایں کتاب وچ انتساب شہید ملتان سئیں نواب مظفر خان شہید دے ناں لایا ڳے ۔ ایں کتاب وچ نواب مظفر خان شہید تے انہاں دے ݙوجھے شہداء دے بارے منظوم خراج عقیدت ہے ، جنہاں ظالم حملہ آوراں دا بہادری تے جرأت نال مقابلہ کیتا تے اوں ویلے دے شاعراں انہاں کوں نظم دی صورت اِچ منظوم نذرانہ عقیدت پیش کیتا۔ شاعری دی اصناف سخن وچ ایں صنف کوں ’’وار‘‘ دا ناں ݙتا ڳے ۔ پروفیسر شوکت مغل لکھدن جو وار دا مطلب ہے ، حملہ ،چوٹ ، ضرب ، مار ، دھاوا ، صدمہ تے خیرات ۔ گویا ماء دھرتی سانگے اپݨا سر تے اپݨی جان قربان کرݨ آلیاں سانگے واراں لکھیاں ویند ن۔ آس ہے جو اساں سارے وار جوگے تھیووں تے اپݨے وطن وسیب تے اپݨی ماء دھرتی کوں جاناں ݙے تے بچائوں۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء