ملتان ءِ چ ریلوے نظام
ریلوے اصل ءِ چ اُ وں نظام دی شکل اے جیڑا پہلے پہل سولہویں تے اٹھارویں صدی تئیں انگستان ءِ چ گھوڑے نال ویگن کوں چھِکݨ دا عمل شروع تھیا ۔لکڑ دے تخت تے پہیہ لاتا ڳیا اَتے بعد ءِ چ لکڑ دے تخت دے بجائے لوہے کوں پہیے لاتے ڳئے ۔جݙاں لوہے دیاں استعمال تھیوݨ لڳیاں تاں پہلی دفع ریلوے لائن وینڈز ورتھ تاکوریڈن شروع کیتی ڳئی ۔اے سال 1804ء ءِ چ کیتا ڳیا ۔ ایں نظام ءِ چ ترقی دی صورت حال 1825ء ءِ چ تھی جݙاں سٹیم ریلوے سٹاکین اَتے ڈارلنگٹن دے اَدھ ءِ چ سامان چا ونڄݨ کیتے کھولی ڳی ۔اے ریلوے لائن 38میل وݙی ہئی ۔اَتے جارج اسٹیفن پہلالوکیڈٹو انجݨ خود چلایا ہا ۔پاکستان دے علاقے ءِ چ ریلوے دا نظام 13مئی1861ء کوں متعارف کیتا ڳیا جݙاں کراچی توں کوٹری تئیں 105میل لمبی ریلوے لائن کھولی ڳی اَتے ملتان ءِ چ ریلوے دی تاریخ ݙو سال بعد 1863ء ءِ چ شروع کیتی ڳئی ۔ہک چھوتا جیہا سیکشن جیڑا 11میل لمبا ہا کھولا ڳیا جیڑا شیر شاہ دے نال کشتیاں دے گھاٹ کنوں شروع تھی تے ملتان شہر تک امدا ہا ۔ لاہور توں ملتان سیکشن 1865ء ءِ چ کھولیا ڳیا ۔ریلوے دی بھرتی اَتے تیاری کیتے لاہور دے کھنڈرات اَتے ہڑپہ دے کھنڈرات دا مواد حاصل کیتا ڳیا ۔ملتان توں کوٹری براستہ لودھراں لودھراں ریلوے لائن دی تکمیل 1870ء ءِ چ تھی اَتے 1870توں 1876ء دے درمیان وقفے وقفے کنوں مختلف حصیاں ءِ چ بݨائی ڳی ۔سکھر دا پُل بݨݨ تے 1889ءِ چ کراچی تئیں ریل چلݨ پئے ڳئی۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء