ملازم حسین شانی
اصل ناں ملازم حسین
تخلص شانیؔ
ڄمݨ 1969ء
تعلیم مڈل
پیشہ درزی
فون نمبر 0344 7961137
جاہ پتہ تونسہ موڑ کوٹ ادو ضلع مظفر ڳڑھ
بقول پروفیسر شبیر ناز’’ ملازم حسین شانیؔ مونجھ ملا ل دے شاعر ہن‘‘واقعی شانیؔ صاحب دی شاعری وچ زیادہ تر محبوب دے ہجر وچھوڑے دا اظہار ملدے۔جیویں انہاندی ہک غزل دا مطلع ہے۔
؎نین پیاسے او نئیں ملدا رُس ڳئے ہاسے او نئیں ملدا
ملازم حسین شانی 3شعری مجموعے ’’متاں مل پووے‘‘ ،’’مدنی دے صدقے‘‘تے ’’اوندی مرضی‘‘دے خالق ہن۔خوبصورت رواں شاعری کریندن، تے سرائیکی شاعری دیاں تقریبََا ساریاں صنفاں لکھدن۔غزل دا نمونہ حاضر ہے۔
غزل
[لکھو | ماخذ وچ تبدیلی کرو]ایویں ظلم نہ میں تے کر گودا
کجھ رب دی ذات توں ݙر گودا
ست پُشتیں توں تیݙا نوکر ہاں
ہمی وت وی ڳل وچ شر گودا
تیݙے قرضے روز دے ودھدے پئے
ݙیواں کیویں کئی نی پھر گودا
ݙینہ عید دے وی میکوں چھُٹّی نئیں
ونڄاں لحظہ پل میں گھر گودا
میکوں قرضیوں کالا کر چھوڑیئی
میݙے کَٹ چھوڑینی پر گودا
نمھی دھی دے پیلے ہتھ کیتے
ڳیاں جیندیں جی میں مر گودا
توں شانی اندھا تھی ڳیا ہیں
تیکوں بھل ڳئے قبر حشر گودا