ملازمتاں وِچ زنانیاں
قدیم دور توں ملازمتاں تے پیشیاں وچ عام طور تے مرداں دا غلبہ رہیا ہے۔ انھاں وچ یا تاں عورتاں عام طور تے موجود کائنی رہیاں یا پھر انھاں دا تناسب ٻہوں گھٹ رہیا ہے۔ تاہم ایہ صورت حال جدید دور وچ بدلدی پئی ہے تے ملازمتاں وچ خواتین (انگریزی: Women in the workforce) ہک زبان زد عام موضوع بݨ چکیا ہے۔ معاشرے وچ گھر تک محدود خواتین تے کثیر الاولاد خواتین دی کمی ݙٹھی ڳئی ہے۔ ایجھیاں خواتین دی تعداد وچ اضافہ تھیندا پیا ہے جو مرداں دے شانہ بشانہ ہر عملی میدان وچ روزگار تے آمدنی دے حصول کیتے برابر کھڑے ہن۔ ایں سانگے عام طور تے کہیں وی ملازمت دی مخلوعہ جائداد کیتے کثیر تعداد وچ مرداں دے نال نال خواتین وی درخواست ݙیندین تے حسب ضرورت تے امیدواراں دی صلاحیتاں دے مطابق خواتین چݨیاں ویندین۔ ایں دے نال نال کجھ ملازمتاں وچ جنسی ترجیحات شامل تھی سڳدین۔ مثال دے طور تے، کئی واری کمپنیاں ایجھے عہدیاں کیتے مرداں کوں ترجیح ݙیندین، جنھاں وچ سفر دا عنصر ٻہوں زیادہ ہووے۔ ایویں ای کئی واری فوناں دے ذریعے لوکاں نال ڳالھ کرݨ یا کہیں جاہ ریسیپشنسٹ دے عہدے کیتے ترجیح عورتاں کوں ای ملدی ہے۔ پر کئی ملازمتاں وچ عام طور تے جنسی تخصیص کائنی تھیندی یا پھر حسب موقع کوئی ادارہ فیصلہ کر سڳدا ہے، جیویں جو محاسب یا اکاؤنٹنٹ دا عہدہ یا کوئی تدریسی تے تربیتی عہدہ۔
مختلف ملکاں دیاں ملازمتاں وچ زنانیاں
[لکھو | ماخذ وچ تبدیلی کرو]2018ء دے اعداد و شمار دے مطابق پاکستان دے مختلف اداریاں وچ 31 ہزار 281 خواتین افسر ہن، ہک ہزار 246 مرکزی سیکریٹریٹ وچ ملازمت پیشہ ہن جݙاں جو 30 ہزار 35 خواتین منسلک محکمیاں تے ذیلی دفتراں وچ موجود ہن۔ پنجاب وچ 73.68 فیصد، سندھ وچ 12.76 فیصد، خیبر پختونخوا وچ 7.9 فیصد تے بلوچستان وچ 1.93 فیصد خواتین برسرملازمت ہن۔ ایویں ای وفاق دے زیر انتظام قبائلی علاقیاں (فاٹا) وچ 1.36 فیصد تے گلگت بلتستان وچ 0.56 فیصد خواتین کیتے مخصوص ہے۔ عوامی دفاتر وچ جنسی امتیاز نال تعلق رکھݨ والی عمومی طور تے خواتین کوں ملازمت تے نہ رکھݨ نال تعلق رکھݨ والی ہک سوچ غالب ہے جو خواتین ملازمت جاری نہیں رکھ سڳسین۔ ملک وچ متعدد خواتین افسران (گریڈ 16 تے 17) بطور استاد، ماہر نفسیات تے نرس دے فرائض انجام ݙیندے پئین۔[١]
سعودی عرب دی خاتون سیکریٹری وزارت شہری خدمات ہند الزاہد دے 2019ء دے بیان دے مطابق ایہ سال دوران سرکاری اداریاں وچ کم کرݨ والیاں سعودی خواتین دا تناسب 40.2 فیصد ہے۔ 2020ء وچ ایں کوں 42 فیصد تک پُڄا ݙتا ویسی۔ سعودی عرب دے اخبار الوطن دے مطابق سیکریٹری وزارت شہری خدمات دا آکھݨ ہئی جو سرکاری اداریاں دے کلیدی عہدیاں تے وی خواتین دے تقرر دا تناسب ودھایا ویسی۔[٢]