مقبول فریاد

اصل ناں       محمد مقبول

تخلص          فریادؔ

ڄمݨ            1962ء

تعلیم            میٹرک

پیشہ            دکانداری

فون نمبر         0300 78967117

جاہ پتہ         چاہ کنڈے والا تحصیل کبیر والا ضلع خانیوال

غزل

محبت دی نکامی دا سبب میری نظر وچ ہے

سڄݨ جو میں تے کیتا ہے غضب میری نظر وچ ہے

مری مجبوری ٻئی ڳل ہے جو میں پوری نی کر سڳیا

مگر بھلیا نی میں اوندی طلب میری نظر وچ ہے

اُمیداں ڈھیر ہن رب تے غفورے معاف کر ݙیسی

خطا جو جو وی کیتی ہم او سب میری نظر وچ ہے

جو ہے غربت تاں کئی ڈٖر نئیں میں بکھیاں نوں رڄا ݙیساں

خدا کسبی بݨائے میکوں ، کسب میری نظر وچ ہے

ونڄاں فریادؔ کیویں نہ میں سر سٹ اوندی چوکھٹ تے

ادب دے لائق جو ہے او ادب میری نظر وچ ہے