مقبول ذکّی مقبول
اصل ناں مقبول حسین
قلمی ناں مقبول ذکّیؔ مقبول
ڄمݨ 1977ء
تعلیم پرائمری
پیشہ سرکاری ملازمت
فون نمبر 0347 4581414
جاہ پتہ وستی شمالی وارڈ نمبر8محلہ چھینہ والا منکیرہ ضلع بھکر
مقبول حسین ذکّی صاحب بنیادی طور تے مذہبی شاعر ہن، تے زیادہ تر اوہ حسینیت تے لکھدن ۔ ایں حوالے نال آپ دیاں ڈٖو شعری کتاباں وی چھپ چکیاں ہن۔پہلی کتاب’’ سجدہ‘‘ اسلامی سرائیکی شاعری تے مشتمل ہے ،تے ڈٖوجھی کتاب ’’منتہائے فکر‘‘اردو اسلامی شاعری تے مشتمل ہے۔ادبی حوالے نال آپ مختلف ادبی تنظیماں توں کئی ایوارڈز تے ’’ادب سرائے انٹر نیشنل لاہور‘‘توں گولڈ میڈل وی حاصل کر چکے ہن۔شخصیت دے حوالے نال وی مقبول ذکّی مقبول صاحب صوم و صلوٰت دے پا بندہک خوش اخلاق ،ملݨسار تے یاریں دے یار بٖیلی ہن۔نمونہ کلام۔
(1)غزل
[لکھو | ماخذ وچ تبدیلی کرو]سڄݨ دے سخن کوں بھلاوݨ تاں کوڑاے
بغیر اوندے کہیں نال الاوݨ تاں کوڑ اے
سدا وعدیاں تے میں پورا اُترداں
اے قرآن قسماں دا چاوݨ تاں کوڑاے
میں ڈٖیوے کوں بٖلدا ڈٖٹھا خوش تھیا ہاں
اے چانݨ ای رہوے بُٖجھاوݨ تاں کوڑ اے
غزل دے میں معیار کوں پورا کرݨے
فقط قافئے کوں نبھاوݨ تاں کوڑ اے
جیڑھا خواہ مخواہ ایویں ڳل ڳل تے رُسدے
اوکوں یارو ول ول مناوݨ تاں کوڑ اے