مقبول احمد دھریجہ
میݙے اُستادِ محترم مقبول احمد دھریجہ ہک مشہور آرٹس ہن ، فن کتابت دے علاوہ فن مصوری اچ وی ماہر ہن، ایں فن اچ دلچسپی انہاں ٻلپݨ توں ای گھنݨ شروع کیتی۔ پہلے کتابت سکھی ول میٹرک دے دوران ای فن مصوری کوں اپنا گھدا ۔ ایں دوران آپ دی ملاقات بہاولپور دے مشہور آرٹسٹ ماسٹر محمد رضی صاحب نال تھئی، انہاں آپ دی بݨائی ہوئی تصویر کوں پسند کیتاتے باقاعدہ شاگرد بݨا گھدا ، چھی مہینے تئیں انہیں توں ایہ فن سکھیا۔1970 ء توں 1972ء تئیں روزنامہ رہبر ، دستور، کائنات وغیرہ اچ کتابت کریندے ریہے۔ 1972ء دے بعد آپ کراچی چلے ڳئے تے اتھائیں کتابت کریندے ریہے تے اپݨے طور تے فن مصوری دا شوق وی پورا کریندے ریہے۔ رحیم یارخان اچ پرنس آرٹس کونسل اچ 1975ء اچ تصویراں دی نمائش تھئی تاں انہاں دی بݨی ہوئی تصویر کوں انعام ݙتا ڳیا۔ فن کتاب تے فن مصوری اچ چنڳا ناں پیدا کیتا۔ دسمبر 2011ء اچ ایں جہان فانی توں رخصت تھئے ۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان