مفتی ہاشم عطاری قادری

اسم گرامی

استاذ الفقہ والحدیث ابو الحسن محمد ہاشم خان، جِہڑے جو گل محمد، شیر محمد تے نواب خان دے پُتر ہِن۔ اِنہاں دا تعلق ملک اعوان برادری نال ہے۔

ڄَمݨ دی تَرِیخ تے جاہ

اِنہاں دی وِلادت 7 جون 1979ء کوں پنڈی گھیپ، تحصیل ضلع اٹک، راولپنڈی ڈویژن وِچ تھئی۔

ابتدائی تعلیم تے تربیت

مفتی صاحب نے ناظرہ قرآن، پرائمری، مڈل تے ہائی سکول دی تعلیم پنڈی گھیپ وِچ حاصل کیتی۔ گورنمنٹ کالج پنڈی گھیپ وِچ انجینئرنگ دی تعلیم اَدھوری چھوڑ تے دعوت اسلامی دے عالمی مدنی مرکز فیضان مدینہ کراچی وِچ مدرس کورس مُکایا۔

استادِ کرام

مولانا نعیم، مولانا عبد القادر، مولانا محمد صادق، مولانا عرفان، مولانا عبد الواحد، مولانا محمد حسان اَتے شیخ الحدیث والتفسیر مفتی محمد قاسم قادری عطاری مدظلہ العالی اِنہاں دے اُستاداں وِچ شامل ہِن۔ اِیہ فتوٰی نویسی وِچ مفتی محمد قاسم قادری کوں اپݨا اُستاد تے مُربی منیندن۔

تدریس

مفتی صاحب تدریسی شعبے وِچ ہِک ماہر تے محنتی اُستاد دی حیثیّت نال ڄاتے ویندن۔ اِنہاں نے تعلیم دے دَوران اِبتدائی دَرجیاں کوں پڑھاوݨ شروع کر ݙِتا ہئی اَتے ہُݨ تئیں تقریباً 22 سال توں درس نظامی دی تدریس کریندے پِن۔ اِیہ مرکزی جامعۃ المدینہ کراچی اَتے راولپنڈی وِچ تدریسی خِدمات انجام ݙے چُکین اَتے پِچھلے کئی سالاں توں لاہور وِچ دورہ حدیث شریف اَتے تخصص فی الفقہ دیاں کتاباں پڑھا رَہے ہِن۔

شاگرد

اِنہاں دے شاگرد پاکستان دے کئی شہراں دے علاوہ ایشیا، یورپ، افریقہ اَتے عرب دُنیا وِچ وی اِفتاء، تصنیف، تبلیغ اَتے تدریس دے شعبیاں وِچ اہم عُہدیاں تے فائز ہِن۔

بیعت تے اِرادت

اِنہاں نے امیر دعوت اسلامی، امیر اہلسنت حضرت علامہ مولانا محمد الیاس عطار قادری دامت برکاتہم العالیہ دے دستِ مُبارک تے بیعت دی سعادت حاصل کیتی اَتے سلسلہ قادریہ وِچ داخِل تِھی ڳئے۔

تصنیفات

اِنہاں دے قلم توں ہُݨ تئیں کئی کتاباں منظرِ عام تے آ چُکین جِنہاں وِچ نصاب التجوید، نصاب النحو، نصاب الصرف، نصاب المنطق، قرآن و حدیث اَتے عقائد اہل سنت، فیضان فرض علوم (حصّہ اوّل اَتے دُوُم)، خطبات ربیع النور، حضور غوث اعظم اَتے عقائد و نظریات، حضرت ابراہیم علیہ السلام اَتے سنت ابراہیمی، احکام تعویزات مع تعویزات دا ثبوت، احکام عمامہ مع سبز عمامہ دا ثبوت، حکومت رسول اللہ صلی اللہ علیہ وسلم دی، معراج مصطفی اَتے معمولات و نظریات، محرم الحرام اَتے عقائد و نظریات، احکام لقمہ مع لقمہ دا احادیث توں ثبوت، احکام داڑھی مع جسم دے ٻئے والاں دے احکام، تلخیص فتاوی رضویہ (جلد 5 توں 10)، احکام تراویح و اعتکاف مع روزے دے اہم مسائل، شرح جامع ترمذی (4 جلداں) اَتے افضلیت ابوبکر وعمر رضی اللہ عنہما (تحقیق اَتے ترجمہ شُدہ) شامل ہِن۔

فتاویٰ

مفتی صاحب کراچی، راولپنڈی اَتے لاہور وِچ تقریباً 15 سال توں فتوٰی نویسی دی خِدمت انجام ݙیندے رہے ہِن اَتے ہُݨ تئیں ہزاراں فتوے جاری کر چُکین۔

مفتی صاحب اپݨیاں تمام دینی اَتے علمی خِدمات کوں امیر اہلسنت حضرت علامہ مولانا ابو بلال محمد الیاس عطار قادری رضوی دامت برکاتہم العالیہ دی نظرِ کرم دا نتیجہ قرار ݙیندن۔