مفتی محمد عمر نعیمی

مفتی محمد عمر نعیمی 27 ربیع الآخر 1311ھ بمطابق 6 ستمبر 1893ء کوں مراد آباد، اتر پردیش وچ جناب محمد صدیق دے گھر اچ ڄمیے ہن۔ انہیں دے پیو محمد صدیق عمارتی کاٹھی دے تاجر ہَن۔ انہیں دی جمݨ توں پہلے انہیں دے کئی بھرا نکی عمر وچ فوت تھی ڳئے ہَن۔ ایں وجہ توں انہیں دے نانا شیخ کرامت علی نے منت منّی کہ اگر پُتر ڄمیا تے زندہ رہیا تاں میں اینکوں دینِ مصطفیٰ دی تبلیغ و اشاعت کیتے وقف کر ݙیساں۔

انہاں دی ابتدائی تعلیم جناب منشی شمس الدین صاحب دے کول شروع تھئی۔ ابتدائی کتاباں تے حفظ و ناظرہ الحاج حافظ محمد حسین صاحب توں پڑھیا جݙاں کہ فارسی تے صرف و نحو دی ابتدائی کتاباں مولانا نظام الدین توں پڑھیاں۔ جݙاں تاج العلماء اپݨی عمر دے اُنیویں سال وچ داخل تھئے تاں اوں نے مروجہ علوم عقلیہ و نقلیہ دی تکمیل فرمائی تے صدر الافاضل دی جوہر شناس نگاہواں دے سائے وچ رہ کے انہیں توں ادبِ عربی وچ کمال پیدا کیتا تے نال ہی نال فنِ طب وچ وی استاذِ محترم توں خوب فیض حاصل کیتا۔