معین اختر

معین اختر ہک پاکستانی ٹیلی ویژن، فلم اتے سٹیج اداکار ہن۔ انہاں کوں اردو مزاحیہ اداکاری دا بادشاہ سمجھا ویندا ہے۔ انہاں نے 24 دسمبر 1950ء کوں کراچی وچ جنم گھدا ہا اتے 22 اپریل 2011ء کوں کراچی وچ فوت تھئے۔ انہاں دی فنی زندگی 45 سال توں زیادہ عرصے تے پھیلی ہوئی ہے۔

معین اختر نے مختلف زباناں وچ مزاحیہ اداکاری کیتی جنہاں وچ انگریزی، سندھی، پنجابی، میمنی، پشتو، گجراتی اتے بنگالی شامل ہن۔ اردو وچ انہاں دا کم انہاں کوں ہر عمر دے لوکاں وچ یکساں مقبول بݨیندا ہے۔ انہاں دے کجھ مشہور ٹی وی پروگراماں وچ "روزی"، "ڈالر مین"، "مکان نمبر 47"، "ہاف پلیٹ"، "فیملی 93"، "عید ٹرین"، "بندر روڈ سے کیماڑی" "لوز ٹاک" اتے "سچ جھوٹ" شامل ہن۔ انہاں نے کجھ فلماں وچ وی کم کیتا۔ انہاں نے لوز ٹاک پروگرام اچ انور مقصود نال مل کے طنز و مزاح دی ہک تاریخ رقم کر ݙتی تے او پروگرام اڄ وی سوشل میڈیا دی دنیا وچ مقبول ہن۔ معین اختر کوں انہاں دی فنی خدمات دے اعتراف وچ کئی ایوارڈز نال نوازا گیا۔ انہاں کوں حکومت پاکستان دی جانب توں تمغہ امتیاز وی ݙتا گیا۔