معصومہ آباد

معصومہ_آباد

معصومہ آباد (پیدائش: 5 ستمبر 1962ء) ہِک ایرانی مصنفہ، یونیورسٹی پروفیسر تے قدامت پسند سیاست دان ہِن۔ اوہ تہران دی چوتھی اسلامی شہری کونسل دی رُکن تے ڈائریکٹر ہیلتھ ڈویژن ہِن۔ معصومہ آباد معروف کتاب "میں زندہ ہوں" دی مصنفہ ہِن۔

تعلیم

معصومہ آباد نے 1989ء وِچ ایران یونیورسٹی آف میڈیکل سائنسز توں بی ایس سی دی ڈگری حاصل کِیتی۔ 1996ء وِچ ایران یونیورسٹی آف میڈیکل سائنسز توں حفظان صحت وِچ ایم ایس سی تے 2011ء وِچ شاہد بہشتی یونیورسٹی توں حفظان صحت وِچ پی ایچ ڈی دی ڈگری حاصل کِیتی۔

قید وِچ گُزارے ایام

ایران-عراق جنگ دے دوران ایرانی ریڈ کریسنٹ سوسائٹی (آئی آر سی ایس) کِیتے اسپتالاں تے ٻیاں طبی کلینک دی تعمیر تے انتظام وِچ معصومہ آباد نے ٻہوں اہم کردار ادا کِیتا۔ جنگ دے ترِیہاں ݙین٘ہاں دے بعد جِہڑیلے اوہ ہلال احمر دے ہِک مشن تے ہَن، فاطمہ ناہدی، مریم بہرامی تے حلیمہ اجمودہ سمیت عراقی فوجی دستے نے اُنّھاں لوکاں کوں آبادان دی شاہراہ تے (15 اکتوبر 1980ء) پکڑ گِھدّا۔ پہلے اُنّھاں کوں تنومہ سرحدی کیمپ بھیڄا ڳیا تے ول اُنّھاں کوں ایسٹخبرات (صدام دی خفیہ ایجنسی) تے الرشید جیل وِچ بھیڄا ڳیا۔ کُجھ عرصے دے بعد اُنّھاں کوں موصل تے الانبار کیمپ وِچ منتقل کر ݙِتا ڳیا۔ ترِیہاں سال تے چھے مہینے دے بعد 21 اپریل 1983ء کوں معصومہ آباد کوں رہا کر ݙِتا ڳیا۔

کتاب "میں زندہ ہوں"

"میں زندہ ہوں" ہِک یادداشت ہِے جیندے وِچ معصومہ آباد نے ایران-عراق جنگ دے دوران آپݨے تجربات دی تفصیل لِکّھی ہِے۔ اِیہ کتاب جیل وِچ گُزارے ایام دے بارے وِچ ہِے۔ اِیں کتاب کوں ایران وِچ 16ویں مقدس دفاعی کتاب دا ایوارڈ مِلیا ہِے۔ اِیں کتاب وِچ جنگ وِچ حصّہ گِھنݨ آلیاں ایرانی زنانیاں دے کُجھ کرداراں تے تفصیلی ڳالھ مُہاڑ کِیتی ڳئی ہِے۔