معراج نامہ پڑھدے ہاسے

قرآن مجید دی تلاوت دے بعد نورنامہ پڑھیا ویندے ،عورتاں  خاص طور تے پڑھدین۔ ماسی نوراں  کوں  سارا نور نامہ یاد ہا ۔ جیویں  جو نور نامہ عربی رسم الخط ءِچ لکھیا ویندا ہا ایویں  معراج نامہ عربی رسم الخط ءِچ ہے۔ ایندی وجہ مسیت تے مدرسے دے ٻالیں  کوں  عربی رسم الخط دے پرسانویں  سرائیکی معراج نامہ پڑھاوݨ تھی سڳدے، نورنامہ پڑھدے ہاسے۔ معراج نامہ سرائیکی دی قدیم شعری صنف ہے۔ ایندے وچ حضور سئیں ؐ دے واقعہ معراج کوں  بیان کیتا ڳے ۔ نور نامے دی طرح معراج نامہ وی قدیم اے تے ایندی عمر وی نور نامے توں  ودھ یعنی ( 401ھ۔ 1010ء ) ݙسی ویندی اے ۔ معراج نامے وی ڈھیر تعداد وچ لکھئے ڳے تے ترجمے وی تھیندے رہ ڳے۔ نور نامے وانگے معراج نامہ وی ہر گھر وچ پڑھیا ویندے ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان