معراج خالد

ملک معراج خالد 5 نومبر 1996 کنوں 17 فروری 1997 تئیں پاکستان دا نگران وزیر اعظم ہا۔ معراج خالد 20 ستمبر 1916 کوں کوٹ رادھا کشن وچ پیدا تھیا ہا۔ قانون دی ڈگری حاصل کیتی 60 دے ݙہاکے وچ مسلم لیگ وچ شامل تھی تے سیاسی پن٘دھ شروع کیتا۔ معراج خالد پیپلز پارٹی دے ٹکٹ تے 1970 دے الیکشن وچ لاہور کنوں قومی اسمبلی دا رکن منتخب تھیا۔ 6 مہینے پن٘جاب دا وزیر اعلی تے 1977 تے بعد وچ 1988 وچ قومی اسمبلی دا سپیکر وی بݨیا۔ معراج خالد 13 جون 2003 کوں 87 سال دی عمر وچ لاہور وچ فوت تھی ڳیا۔