معاونت:تعارف اسلوب نامہ/1

ویکی پیڈیا دا اسلوب نامہ ہک تفصیلی ہدایت نامہ ہے جیندے وچ وکی مضامین دے لکھݨ دے انداز تیں انہیں دی شکل و صورت کوں چنڳا تے ودھ ودھیک پرکشش بݨاوݨ کیتے مکمل رہنمائی ݙتی ڳئی ہے۔ اینہہ ہدایات تے عمل کرݨ دے بعد ویکی پیڈیا تے تہاݙے مضامین تیں لکھتاں واضح، صاف، پرکشش، متوازن، ہموار تیں مستحکم نظر آسن۔

ایندا سوکھا طریقہ اے ہے جو تساں ویکی پیڈیا دے کہیں چنڳے مضمون کوں ڳول تے اوندے لکھݨ دے انداز تیں وضع و ہیئت کوں غور نال ݙیکھو تیں ول اپݨے مضمون وچ ایندی پیروی کرݨ دی کوشش کرو۔ ایندے نال اسلوب نامہ دے مختلف حصیاں کوں ݙیکھ تے اپݨی لوڑ ہے جہڑی معلومات اونکوںݙیکھو۔

یاد رکھو جو اسلوب نامہ وچ ݙتیاں ڳئیاں ہدایات کوں شروع توں آخر تئیں یاد کرݨ بالکل ضروری نئیں۔ ایں اسلوب نامہ دی ترتیب تے پیشکش دا مقصد صرف اے ہے جو اے ہدایات انہیں موقعیاں تے تہاݙے کیتے رہنما ثابت تھیوݨ جتھاں تساں معلومات دی پیشکش دے انداز دے بارے وچ کوئی فیصلہ نہ کر سڳو تے تساں اے نہ سمجھ سڳو جو مطلوبہ مواد کوں کیویں ویکی پیڈیا دی زینت بݨایا ون٘ڄے۔

اے ڳالھ واضح رہے جو مضمون دے مندرجات اِیندی خوبصورت شکل و صورت توں زیادہ اہم ہن۔ اگر تہاݙا ݙتا ڳیا مواد وکی پیڈیا کیتے ٹھیک ہے تاں ایندے رنگ ڈھنگ کوں پرکشش بݨاوݨ وچ ٻئے تجربہ کار صارفین وی حصہ گھندے ہن تے ایں طرح رل مل تے کیتی ڳئی کوشش نال مضمون ٻیا وی نکھر ویندے۔