مظفر ادیب

مظفر ادیب
معلومات شخصیت
ڄمݨ	سنہ 1934ء   ممبئی
وفات	26 مارچ 2006ء (71–72 سال)  لاہور
وجہ وفات	دورۂ قلب
طرز وفات	طبعی موت
شہریت	پاکستان برطانوی ہند
عملی زندگی
مادر علمی	ممبئی یونیورسٹی
کم	اداکار ،  فلم اداکار
	IMDB پر صفحات

فلمی اداکار۔ پاکستانی فلماں دے مشہور ولن۔ اصل ناں مظفر ادیب ہئی لیکن فلم دنیا وچ صرف ادیب دے ناں توں ڄاݨے ڳئے۔ ریاست جموں کشمیر دے ہک پٹھان خاندان دے چشم و چراغ ہن۔ قیام پاکستان توں قبل انہاں دے والدین سلسلہ معاش وچ کشمیر توں ممبئی منتقل تھی ڳئے۔ ادیب نے ممبئی وچ ہی تعلیم مکمل کیتی اتے اردو ادب وچ ایم اے کیتا۔

انہاں نے اپݨی فنی زندگی دا آغاز اسکرپٹ رائٹنگ توں کیتا۔ انوی سو ثھیونڄاہ وچ پہلی واری ہدایت کار ایس ایم یوسف دی فلم ’پاک دامن‘ وچ ولن دا کردار ادا کیتا۔ ممبئی وچ ایس ایم یوسف دے نال چند فلماں اتے آنجہانی پرتھوی راج دے نال ہک فلم ’انسان‘ کرݨ دے بعد او پاکستان آ ڳئے۔ اے غالباً انیس سو باسٹھ دی ڳالھ ہے۔

اتھاں انہاں دی پہلی فلم ’دال وچ کالا‘ ہئی۔ اتے آخری فلم مجاجن۔ انہاں نے چار سو توں زائد فلماں وچ کم کیتا۔ انہاں دیاں ٻیاں مشہور فلماں وچ مولا جٹ، ہیرا پتھر، شیر خان، ظلم دا بدلا، اے امن، زرقا، فرنگی، شہید اتے آنسو بݨ ڳئے موتی شامل ہن۔

ادیب نے تھیٹر تے وی کم کیتا اتے ہک اندازے دے مطابق انہاں دے سٹیج ڈرامیاں دی تعداد پنجاہ ہے۔ انہاں نے چند ٹی وی ڈرامیاں وچ وی کم کیتا۔ ہک ٹی وی ڈرامے وچ سرسید احمد خان دا کردار انہاں نے ٻڑی خوبصورتی نال نبھایا۔

ترائے شادیاں کیتیاں اتے ہک اولاد تھئی جیہڑی ذہنی طور تے معذور رہی۔ دل دا دورہ پوݨ نال لاہور وچ انتقال تھیا۔