مطالبہ صوبہ سرائیکستان
مطالبہ صوبہ سرائیکستان دی علامتی اساس ساوا پیلاتے لال رنگ دا جھنڈا ریاست بہاولپور دے سرکاری جھنڈے دا عکس ریہے ۔اے وی ہک حقیقت ہی جو بہاولپور ہک آزاد ریاست ہئی نہ کہ صوبہ گو قیام پاکستان دے بعد آوندی انتظام حیثیت وچ الحاق دی بنیاد تے کجھ تبدیلی تھئی ہئی۔پر ایں مسئلے تے شرط لاون ہرن جتن اساڈا مقصد کینی انسان دی فطرت ہے جو اس اپنا شجرہ اپنے کہیں ناں آلے وڈے دے حوالے نال اپنا شجرہ جوڑ تے گال شروع کریندے ۔اینویں ای آج دا سرائیکی بہاولپور دی عظمت دا حوالہ ڈیندے۔
لیکن سیاسی حالات اساکوں این گال تے مجبور کریندن جو اساں اپنڑا مطالبے کوں جغرافیائی تہذیبی ثقافتی لسانی حوالے دے نال نال سیاسی سماجی معاشی معاشرتی ضروریات دے مدنظر پاکستان دی صوبائی قومیتی ونڈ دے مطابق سرائیکی وسیب کو بحیثیت مجموعی صوبائی حیثیت ڈیوا تے سرائیکی وسیب دے استحصال دی روک کروں آتے سرائیکی عوام کوں باوقار قوم بناووں۔ (منور ضیاء)