مصطفیٰ عدم

اصل ناں       غلام مصطفیٰ

قلمی ناں       مصطفیٰ عدم  

جمن           1978ء  

تعلیم        ایف اے

پیشہ         زراعت کاری   

فون نمبر      03457161025

جاہ پتہ       چاہ پھتو والا،شاہ صدر دین ضلع ڈیرہ غازیخان

’’پار دیاں ٹالھیاں‘‘تے’’ دانے دانے دی گالھ‘‘ دے خالق مصطفیٰ عدم دا تعلق حضرت احمد خان طارقؔدی دھرتی شاہ صدر دین نال ہے تے احمد خان طارق(مرحوم) توں ای رہنمائی حاصل کیتی۔تہوں عدم سئیں پار، اروار دیاں ٹالھیاں دی چھاں تلے بہہ کے اپنی شاعری اچ آر ، پار دیاں گالھیں کریندن،عدم دی شاعری وچ بیٹ تے بیلا دے رنگ نمایاں نظر آندن۔عدم صاحب دے غزلیہ کلام دا نمونہ حاضر ہے۔

غزل

زندگی زہر اُگلدی  پئی  ہے     جان جوانی ڈھلدی پئی ہے

چندر چنگیر اوئیں ہے خالی        بھا وی چلھ اچ بلدی پئی ہے

کیجھاں قتل ہے کیتا قاتل        کندھ قبر دی ہلدی پئی ہے

مِتر دی مونجھ ہے لاڈلی لوکو        تن دا لہو پی پلدی پئی ہے

وت دلبر کوں مل کے دلڑی       سارا حال سولدی پئی ہے

کئی تاں راز عدم ؔہے ظاہر        چکی آپے چلدی پئی ہے