مشتاق دُلّے والوی
اصل ناں محمد حسین
قلمی ناں مشتاق دُلّے والوی
جٖمنْ 1939ء
جاہ پتہ دُلّے والا تحصیل دریا خاں ضلع بھکر
مشتاق دُلّے والوی ملک سوناں خاں بے وس دے ہمعصر، ہم شہر تے ہم زبان شاعر ہن۔نمونہ کلام حاضر ہے!
غزل
[لکھو | ماخذ وچ تبدیلی کرو]غم ولھیٹنْ میکوں پئے گٖئے لُگڑا بٖہندا ڈٖیکھ کے
ٹر پئے ول ہولے ہولے تیکوں آندا ڈٖیکھ کے
غم دے پتھر چُنْ کے یاراں جھولیاں بھریاں جڈٖاں
آس دے پھُل ڈھہہ گٖئے یاراں کوں آندا ڈٖیکھ کے
دُھپ غماں دی تیز تھی گٖئی تئیں ولائی کنڈ جڈٖاں
ہٹ ویندن سائے رکھاں دے میکوں بٖہندا ڈٖیکھ کے
چڑھدا سورج تاں تیکوں ورفاں توں بچویندا ریہا
پھیر نہ سوچاں کوں چھیتی ڈٖینہ کوں لہندا ڈٖیکھ کے
سولی چڑھدیاں تئیں نہ کوئی یار آیا سامنْے
بنْ گٖئے وارث میڈٖے سولی توں لہندا ڈٖیکھ کے
او سمجھدے ہُنْ طبیعت ٹھیک ہے مشتاق ؔ دی
درد دی شدت توں میکوں اٹھدا بٖہندا ڈٖیکھ کے
٭٭٭