مسیح اللہ خان جامپوری

معروف صحافی تے تجزیہ نگار دا پہلے سرائیکی اخبار ݙینھ وار ’’ جھوک ‘‘ دے ایڈیٹر ہِن ۔ آپ 8 جنوری1948ء کوں میاں ظہور احمد غاشمولا پٹھاݨ دے گھر ڄام پور اچ پیدا تھئے۔ ابتدائی تعلیم ڄام پورکنوں حاصل کرݨ دے بعد دیرہ غازی خان توں بی اے کیتا۔ ول صحافت دے میدان اچ قدم رکھ ݙتا۔ انہاں لاہور، ملتان دے وݙے وݙے اخباریں اچ کم کیتا تے صحافتی میدان اچ وݙا ناں کمایا۔ 1973 اچ سرائیکی سنگت ملتان بݨی تاں مسیح اللہ خان جامپوری کوں جنرل سیکرٹری بݨایا ڳیا۔ میکوں 25 سال توں مسیح اللہ خان جامپوری نال کم کرݨ دا شرف حاصل تھئے۔ انہاں قدم قدم تے میݙی رہنمائی تے سرپرستی کیتی ۔ انہاں دا وجود صحافتی تے علمی میدان اچ ایجھا نگار خانہ ہے جیڑھا دھنک رنگ تے خوشبو وانگوں محسوسات دی دنیانال تعلق رکھیندے۔ دعا ہے جو انہاں دا سایہ اساݙے سریں تے سلامت رہے ۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء