مسرت ہلالی

مسرت ہلالی
معلومات شخصیت
ڄَمّݨ دی تریخ تے جاء	8 اگست 1961ء (64 سال)
شہریت	پاکستان
مناصب
جج عدالت عظمیٰ پاکستان
آغاز منصب 7 جولا‎ئی 2023
عملی حیاتی
پیشہ	منصف

مسرت ہلالی (اردو: مسرت ہلالی، کنوں) (ڄَمّݨ دی تریخ: 8 اگست 1961ء، پشاور) ہِک پاکستانی زنانی جج ہِن جنّھاں نے سپریم کورٹ بینچ، پشاور وِچ پہلی زنانی جج اَتے خیبر پختونخوا دی پشاور ہائی کورٹ وِچ تریجھی زنانی جج بݨن دا اعزاز گِھدّا ہِے۔ اِیں کنوں ان٘ج اُوہ بار کونسلاں اَتے ٻئے کئی پلیٹ فارماں اُتے کامیاب تھئی۔

پیدائش

انّھاں دی پیدائش 8 اگست 1961ء کوں صوبائی دارالحکومت پشاور وِچ تَھئی۔

تعلیم

انّھاں نے ابتدائی تعلیم پشاور دے سکولاں کنوں گِھدّی اَتے جامعہ پشاور دے خیبر لا کالج کنوں قانون دی سند گِھدّی۔

عملی حیاتی

انّھاں نے آپݨے کَم کار دا اَغاز 1983ء وِچ ضلعی عدالتاں دے وکیل دی حیثیت نال کِیتا۔ 1988ء وِچ، اُوہ ہائیکورٹ وِچ وکالت کِیتی اَتے 2006ء وِچ سپریم کورٹ دے ایڈووکیٹ دے عہدے اُتے پُڄ ڳئی۔ مارچ 2013ء وِچ ایڈیشنل جج دی حیثیت نال بنچ وِچ رَل ڳئی اَتے انّھاں کوں 2014ء وِچ پشاور ہائی کارٹ دے جج دا مستقل درجہ ݙِتّا ڳِیا۔

امتیازی کارکردگی

• پہلی زنانی عہدیدار ہِن جہڑی سیکرٹری بار دے عہدے تے چُݨی ڳئی۔
• بار وِچ پہلی زنانی چُݨی ڳئی صدر
• پہلی زنانی ہِن جہڑی سپریم کورٹ بار ایسوسی ایشن دی ایگزیکٹو ممبر چُݨی ڳئی۔
• خیبر پختونخوا دی پہلی زنانی ایڈیشنل ایڈووکیٹ جنرل۔
• پہلی زنانی ہِن جہڑی خیبر پختونخوا ماحولیات تحفظ ٹربیونل دی چیئرپرسن مقرر تھئی۔
• پہلی زنانی محتسب برائے کَم دی جاء اُتے زنانیاں دی جنس ہراسڳی کرݨ دے خلاف تحفظ۔
• خیبرپختونخوا کنوں پہلی زنانی ہِن جہڑی 2018ء دے عام چوݨاں وِچ انتخابی ٹربیونل دی پہلی زنانی جج چُݨی ڳئی ہَئی۔