مسجد وزیر خان

مسجد وزیر خان شہر لاہور وچ دہلی دروازہ، چوک رنگ محل تے موچی دروازے توں تقریباً ہک فرلانگ دی دوری تے واقع ہے۔ ایہ مسجد نقش ونگار وچ کاریگری دا منہ بولیندا ثبوت ہے۔ علم الدین انصاری جیہڑے عام طور تے نواب وزیر خان دے ناں توں ڄاݨے ویندن۔ مغلیہ سلطنت دے عہد شاہجہانی وچ لاہور شہر دے گورنر ہن تے ایہ مسجد انہی دے ناں نال منسوب ہے۔ مسجد دی بیرونی جانب ہک وسیع سرائے ہے جینکوں چوک وزیر خان آکھا ویندے۔ چوک دے ترئے محرابی دروازے ہن۔ اول مشرقی جانب چٹا دروازہ، دوم شمالی جانب راجہ دینا ناتھ دی حویلی نال منسلک دروازہ، سوم شمالی زینے دا نزدیکی دروازہ- مسجد دے مینار 107 فٹ اچے ہن۔ ایں مسجد دی تعمیر دسمبر 1641ء وچ ست سال دی طویل مدت دے بعد پایۂ تکمیل کوں پہنچی۔ مسجد وزیر خان سلطنت مغلیہ دے عہد وچ تعمیر کیتی ونڄݨ والی ہݨ تک دی نفیس کاشی کار و کانسی کار خوبصورت مسجد ہے جیہڑی بادشاہی مسجد دی تعمیر توں 32 سال قبل (یعنی 1641ء وچ) تکمیل کوں پہنچی۔