مسجد الحسین
مسجد الحسین (ٻئے ناں: مسجد سیدنا الحسین، مسجد حسین، مسجد راس الحسین) قاہرہ، مصر دی ہک قدیم مسجد ہے جیہڑی 549ھ (1154ء) وچ تعمیر تھئی۔ تحقیق دے مطابق اے مسجد فاطمی خلفاء دے ہک غستان دی زمین تے تعمیر کیتی ڳئی۔ اے مسجد اپݨے تبرکات دی وجہ توں مشہور ہے مثلاً حضرت محمد ﷺ دی ݙاڑھی دے کجھ وال، انہاں دے کجھ کپڑے اتے ہک قدیم ترین قرآن دا مکمل مخطوطہ جیں دا تعلق حضرت عثمان رضی اللہ عنہ دے دور نال ہے اتے حضرت عثمان رضی اللہ عنہ دے ہتھ دا اتے حضرت علی ابن ابی طالب کرم اللہ وجہہ دے ہتھ دا لکھیا ہویا ہے۔ ایندے علاوہ اے مشہور ہے کہ امام حسین علیہ السلام دا سر مبارک جیہڑا اولاً دمشق، سوریہ وچ دفنایا ڳیا ہئی، اتھاں ڳھن آ کے دفنایا ڳیا مگر زیادہ روایات اے ہن کہ اے سرِ اقدس واپس کربلا، عراق ڳھن ونج کے دفنایا ڳیا ہئی۔ مسجد الحسین 549ھ (1154ء) وچ حضرت محمد ﷺ دے ݙوہترے امام حسین علیہ السلام دے ناں تے تعمیر تھئی۔ بعد وچ مسجد وچ او جاء شامل کر ݙتی ڳئی جتھاں مشہور روایات دے مطابق امام حسین علیہ السلام دا سر مبارک دفن ہئی۔ مسجد تے موجود کھٹی ہوئی تحریراں دے مطابق 634ھ (1237ء) وچ ہک مینار تعمیر کیتا ڳیا اتے مسجد وچ ستوناں دا اضافہ کیتا ڳیا۔ 1175ھ (1761-62ء) وچ امیر عبد الرحمٰن کتخدا نے مینار دے اُتے والے حصے اتے گنبد دی تعمیر کیتی۔ 1279ھ (1863ء) وچ خدیو اسماعیل نے مسجد کوں وسیع کیتا۔ کم 1290ھ (1873ء) تک جاری رہا۔ ہک نویں مینار دی تعمیر 1295ھ (1878ء) تک جاری رہی۔ مسجد وچ پنتالیس ستون ہن جیہڑے سنگِ مرمر توں بݨے ہن اتے چھت دے اندرونی حصہ تے مہنگی لکڑی دا کم ہے۔ محراب دی تعمیر و تزئین 1303ھ (1886ء) وچ کیتی ڳئی۔ مسجد وچ زبردست خطاطی اتے نقاشی ݙٹھی ونج سڳدی ہے جیں وچوں کجھ کافی قدیم ہے۔[١]
حوالہ جات
[لکھو | ماخذ وچ تبدیلی کرو]- ↑ ولیم، کیرولین۔ 2002. Islamic Monuments in Cairo: The Practical Guide. Cairo: ادارہ طباعتِ جامعہ امریکیہ القاہرہ، 193-194.
بیرونی روابط
[لکھو | ماخذ وچ تبدیلی کرو]- یہاں دیکھیں:Archived مسجد الحسین میں رکھی ہوئی حضرت محمد سانچہ:درود سے منسوب سرمہ دانی کی تصویر جسے ایک چھوٹے سے صندوق میں محفوظ کیا گیا ہے۔
- طرزِ تعمیر سے متعلق ایک سائٹ پر مسجد الحسین کے بارے میں کچھ معلوماتArchived
