مریم نمازی

مریم نمازی
ایمسٹرڈیم میں 2021 کے پینل ڈسکشن میں نمازی۔
معلومات شخصیت
پیدائش	سنہ 1966ء (عمر 58–59 سال)  تہران
قومیت	ایران
مذہب	کوئی بھی
عملی زندگی
پیشہ	مرکزی کمیٹی کی رکن Worker-communist Party of Iran
وجہ شہرت	انسانی حقوق کی کارکن
تحریک	الحاد
اعزازات
سال کا بہترین سیکولر (2005)
ویب سائٹ
ویب سائٹ	باضابطہ ویب سائٹ

Namazie opening the 2014 Secular Conference in London.

مریم نمازی انسانی حقوق دی علمبردار، تبصرہ نگار تے ہک براڈکاسٹر ہِن۔ اُنّھاں نے زنانیاں تے پناہ گزیناں دے حقوق کِیتے تے مغربی مُلکاں وِچ مسلماناں دے اندر موجود شدت پسند گروہاں تے اُنّھاں دے انتہا پسندانہ نظریات تے رویّاں دے خلاف آواز بلند کیتی۔ اوہ "حزب کمونیست کارگری ایران" (ورکرز کمیونسٹ پارٹی آف ایران) دی مرکزی کمیٹی رُکن ہِن تے ایران دی موجودہ مذہبی قیادت دی شدید مخالف تے نقاد ہِن۔ اوہ ایران وِچ زنانیاں کِیتے مساوی حقوق، برطانیہ وِچ متوازی شرعی قانون دے نفاذ دے مخالف تنظیم تے "ایکس مسلم آف برٹن" دی ترجمان ہِن۔ اُنّھاں کوں 2005ء وِچ نیشنل سیکولر سوسائٹی نے سال دے بہترین سیکولر دا انعام ݙتا ہَئی۔

تعارف

مریم نمازی 1963ء وِچ ایران دے دار الحکومت تہران وِچ ڄَمّیاں ہَن۔ پر 1980ء وِچ اسلامی انقلاب دے ویلھے اوہ آپݨے خاندان دے نال آپݨے ملک توں ہجرت کر ڳئیاں۔ اُتّھوں توں اوہ پہلے بھارت، ول برطانیہ تے آخر وِچ امریکا منتقل تھی ڳئیاں۔ اُتّھاں اُنّھاں نے 17 سال دی عُمر وِچ یونیورسٹی وِچ آپݨی تعلیم دا آغاز کِیتا۔ گریجوئیشن دے بعد اُنّھاں نے سوڈان وِچ مقیم ایتھوپیا دے پناہ گزیناں دے نال کم کرݨ کِیتے سوڈان دا رُخ کِیتا۔ مریم دے سوڈان دے قیام دے دوران وِچ اسلامی انقلاب دے ناں تے فوج نے اقتدار تے قبضہ کر گِھدّا۔ تاں انسانی حقوق کِیتے کم کرݨ والی اُنّھاں دی خفیہ تنظیم دا سراغ لڳݨ تے جان توں مار ݙیوݨ دی دھمکیاں مِلݨ شروع تھی ڳئیاں۔ نتیجتاً اوہ امریکا واپس آ ڳئیاں۔

امریکا واپسی دے بعد مریم نے انسانی حقوق تے پناہ گزیناں دی تنظیماں کِیتے کم کِیتا۔ 1991ء وِچ اُنّھاں نے ایرانی پناہ گزیناں دی مدد کِیتے ہک کمیٹی قائم کیتی۔ 1994ء وِچ اوہ ترکی ڳئیاں تے اُتّھاں ایرانی پناہ گزیناں دی حالت زار تے ہک دستاویزی فلم بݨائی۔

ترکی توں واپسی دے فوراً بعد مریم کوں ایرانی پناہ گزیناں دی عالمی تنظیم دا منتظم اعلٰی بݨایا ڳیا۔ اِیں تنظیم دی دُنیا دے 20 مُلکاں وِچ 60 شاخاں ہِن۔ تنظیم دے سربراہ دی حیثیت نال اُنّھاں کوں مغربی مُلکاں وِچ ایرانی پناہ گزیناں دی مدد دے سلسلے وِچ کئی کامیابیاں مِلیاں۔ جِنّھاں وِچ نیدرلینڈز توں ہک ہزار ایرانیاں دے اخراج کوں روکݨ نہایت نمایاں ہِے۔

مریم نے کئی ٻئے تحریکاں وِچ وی کم کِیتا ہِے۔ اوہ اسلامی مُلکاں وِچ زنانیاں دے استحصال، سنگ زنی دی سزا تے سزائے موت دی ٻہوں وݙّی نقاد ہِن۔ اُنّھاں نے کینیڈا وِچ اسلامی شرعی عدالت دے قیام دے خلاف انتہائی کامیابی نال مہم چلائی۔ اوہ شرعی یا ٻئے مذہبی قوانین دی انتہائی مخالف ہِن تے سکولیاں تے ٻئے عوامی مقامات تے اسلامی یا ٻئے مذاہب دے خصوصی نشانات یا ملبوسات (حجاب، پگڑی) دے استعمال تے پابندی لڳائے ون٘ڄݨ دے حق وِچ ہِن۔

مریم ایرانی یک جہتی تحریک دی منتظم ہِن، جیڑھی 2009ء وِچ ایرانی عوام دی حکومت دے خلاف اُٹھݨ تے اُنّھاں دی مدد کِیتے قائم کیتی ڳئی ہَئی۔ اوہ "دی تھرڈ کیمپ" دی پرجوش حامی ہِن، جیندا مقصد امریکا دی جنگجویانہ تے مسلمان گروہاں دی دہشت گردی دی روک تھام کِیتے کم کرݨ ہِے۔

ہُݨ مریم "نیو چینل ٹی وی" دے ہک ہفتہ وار پروگرام دی میزبان ہِن۔ اِیں چینل دے پروگرام مشرق وسطی تے یورپ وِچ سیٹلائٹ دی مدد نال ݙٹھے ون٘ڄ سڳدے ہِن۔ انٹرنیشنل ٹی وی مشرق وسطی نال تعلق رکھݨ والے مسائل کوں کھٻّے بازو دے ترقی پسندانہ نقطۂ نظر نال پیش کریندا ہِے۔ مریم دے پیش کردہ پروگرام سیکولر ازم تے اِیجھیاں ٻئاں قدروں دے فروغ دا ہک اہم ذریعہ ہِن تے یورپ، مشرق وسطی تے ایران وِچ ٻہوں پسندیدگی دی نگاہ نال ݙٹھے ویندے ہِن۔