مرید حسین مرید کربلائی مشہدی

مرید حسین مرید کربلائی مشہدی کوٹ ڈیجی ریاست خیر پور دے وسوں واݨ ہن۔ آپ مشہور مرثیہ گو شاعر سئیں غلام حیدر فدا دے سنگی سئیں سید فضل حسین وفا دے شاگرد ہن ۔ مرید کربلائی نے اردو تے سرائیکی وچ مناقب تے مرثیے لکھین۔ غلام حیدر فدا تے سید فضل حسین وفا دے مرثیاں دے مجموعہ ’’تصویر ِکربلا‘‘ وچ مرید کربلائی دی رباعیات تے قصیدہ شامل ہن۔ مرید حسین مرید دے ہک قصیدہ دے کجھ شعر نمونے طور:

بشر کر علیؓ دی ثنا توں ہمیشہ

اے فرض خدا کر ادا توں ہمیشہ

اے ذکر علی ہے عبادت خدا دی

علی اسم اللہ کما توں ہمیشہ

جے ظلمت اندر دی کرݨ دور چاہندیں

محبت دا ݙیوا جڳا توں ہمیشہ

مرید علی بیت جنت جے گھنڑیں

علی دے قصیدے بݨا توں ہمیشہ

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان